Business Idea : अनेकजण नोकरीला (Job) कंटाळलेले असतात. त्यामुळे ते स्वतःचा व्यवसाय (Own Business) सुरु करतात. परंतु अनेकांना कोणता व्यवसाय (Business) सुरु करावा हेच समजत नसते.
जर तुम्हालाही तुमचा स्वतःचा व्यवसाय सुरु करायचा असेल तर तुम्ही प्रदूषण चाचणी केंद्राचा (Pollution Testing Centers) व्यवसाय सुरु करू शकता. हा व्यवसाय 10 हजार रुपयांची गुंतवणूक करून सुरु करू शकता.
जर एखादी व्यक्ती गाडी चालवत असेल आणि त्याच्याकडे प्रदूषण प्रमाणपत्र (PUC) नसेल तर त्याला दंड (Penalty) होऊ शकतो. या दंडाची रक्कम 10,000 रुपयांपर्यंत असू शकते.
अशा परिस्थितीत प्रत्येक लहान ते मोठ्या वाहनासाठी प्रदूषण प्रमाणपत्र घेणे आवश्यक आहे. म्हणजे 50,000 रुपये किमतीचे वाहन आहे. प्रदूषण प्रमाणपत्र नसल्यास 10 हजार रुपयांचा दंड आकारण्यात येणार आहे.
तुम्ही किती कमवाल
हा व्यवसाय तुम्ही हायवे-एक्स्प्रेस वेजवळ सुरू करू शकता. सुरुवातीला तुम्ही फक्त 10,000 रुपये गुंतवू शकता. तुम्ही दरमहा 50,000 रुपये कमवू शकता. हायवे आणि एक्स्प्रेस वेवर दररोज 1500-2000 रुपये सहज कमावता येतात.
कसे सुरू करावे
प्रदूषण तपासणी केंद्र उघडण्यासाठी सर्वप्रथम स्थानिक परिवहन कार्यालयाकडून परवाना घ्यावा लागतो. यासाठी तुम्हाला जवळच्या आरटीओ कार्यालयात अर्ज करावा लागेल.
पेट्रोल पंप, ऑटोमोबाईल वर्कशॉपजवळ प्रदूषण तपासणी केंद्रे उघडता येतील. यासाठी अर्ज करण्यासोबतच 10 रुपयांचे प्रतिज्ञापत्र द्यावे लागणार आहे. स्थानिक प्राधिकरणाकडून ना हरकत प्रमाणपत्र घ्यावे लागते. प्रत्येक राज्यात प्रदूषण चाचणी केंद्राचे शुल्क वेगवेगळे आहे. काही राज्यांमध्ये तुम्ही ऑनलाइन अर्जही करू शकता.
केंद्र उघडण्याचे नियम
ओळखपत्र म्हणून केवळ पिवळ्या रंगाच्या केबिनमध्येच प्रदूषण तपासणी केंद्रे उघडावी लागणार आहेत. जेणेकरून ते वेगळे करता येईल. केबिनचा आकार- लांबी 2.5 मीटर, रुंदी 2 मीटर, उंची 2 मीटर असावी. प्रदूषण तपासणी केंद्रावर परवाना क्रमांक लिहिणे आवश्यक आहे.
