Twitter : ट्विटर आता युजर्सला YouTube प्रमाणे कमाई करण्याची संधी देत आहे. मात्र, तुम्हाला ट्विटरवरून कमाई करायची असेल, तर त्यासाठी तुम्हाला काही अटी पूर्ण कराव्या लागतील. जेव्हा तुम्ही या अटी पूर्ण कराल तेव्हा तुमची कमाई सुरू होईल. चला याबद्दल सविस्तर जाणून घेऊया-
जर तुम्हालाही Twitter वरून कमाई करायचे असेल, तर सर्वप्रथम तुम्ही Twitter Blue चे सदस्यत्व घेतलेले असणे आवश्यक आहे किंवा तुम्ही वेरिफाइड असणे आवश्यक आहे.
मोफत वापरकर्त्यांना कोणतेही पैसे मिळणार नाहीत. मीडिया रिपोर्ट्सनुसार, सध्या एड्स रेव्हेन्यू शेअरिंग प्रोग्राम फक्त काही लोकांसाठी आहे. जो येणाऱ्या काळात सर्वांसाठी आणला जाईल.
मीडिया रिपोर्ट्सनुसार, पैसे त्यांनाच दिले जातील, जो एड्स रेव्हेन्यू शेअरिंग प्रोग्रामसाठी पात्र असेल. लक्षात घ्या यासाठी तुमच्या खात्यावर गेल्या सलग तीन महिन्यांत 5 दशलक्षाहून अधिक व्ह्यू इंप्रेशन्स पाहिजे. एवढेच नाही तर तुम्हाला कठीण मानवी पुनरावलोकन प्रक्रिया यशस्वीपणे पार करावी लागेल.
यानंतर, तुमची विनंती मंजूर झाल्यास, तुम्हाला एक स्ट्राइप खाते उघडावे लागेल जेणेकरून पेमेंट तुमच्यापर्यंत पोहोचू शकेल. तुम्हाला सेटिंग्ज अंतर्गत जाहिराती महसूल कार्यक्रमासाठी अर्ज करण्याचा पर्याय मिळेल. विशेष म्हणजे हा उपक्रम सध्या मोजक्याच लोकांसाठी सुरू करण्यात आला आहे. जर निर्मात्यांना या कार्यक्रमासाठी अर्ज करायचा असेल, तर त्यासाठी त्यांना प्रथम सदस्यता धोरणांचे पालन करावे लागेल.
यासाठी तुमचे वय १८ वर्षे किंवा त्याहून अधिक असणे आवश्यक आहे आणि ईमेल अकाउंटला जोडलेला असणे आवश्यक आहे. यासह, प्रोफाइल पूर्ण करणे आवश्यक आहे. यासह 2FA देखील चालू असावा. याशिवाय खात्यावर 500 सक्रिय फॉलोअर्स असावेत. भूतकाळात Twitter वापरकर्ता कराराचे उल्लंघन केलेले नसावे. मीडिया रिपोर्ट्सनुसार, कंपनी काही वापरकर्त्यांना $1,000 ते $40,000 देत आहे.
