अहमदनगर Live24 टीम, 24 फेब्रुवारी 2021 :- अज्ञात चार चाकी वाहनाने मोटारसायकलला पाठीमागून जोराची धडक दिल्याने मोटारसायकलस्वार जागीच ठार झाला आहे.
दरम्यान हा अपघात राहुरी तालुक्यातील डीग्रस फाटा येथे घडला आहे. या अपघातात सैबाज कमरुद्दीन पठाण (वय २३ रा. तिसगाव, ता.पाथर्डी) हा ठार झाला आहे.
याबाबत अधिक माहिती अशी कि, सैबाज कमरुद्दीन पठाण हा तरुण तिसगाव येथून श्रीरामपूरकडे जात होता.
नगर मनमाड राज्य महामार्गावर राहुरी तालुका हद्दीतील डिग्रस फाटा येथे पाठीमागून आलेल्या चार चाकी चालकाने मोटारसायकलला पाठीमागून जोराची धडक दिली.
या अपघातात दुचाकीस्वार सैबाज कमरुद्दीन पठाण हा तरुण गंभीर जखमी झाला. त्याला अहमदनगर येथील जिल्हा रुग्णालयात उपचारासाठी हलविण्यात आले.
मात्र तो उपचारपूर्वीच मयत झाल्याचे वैद्यकीय अधिकाऱ्यांनी माहिती दिली. याप्रकरणी हुसेन शेख याने राहुरी पोलीस ठाण्यात दिलेल्या फिर्यादीवरून गुन्हा दाखल करण्यात आला आहे.
- ब्रेकिंग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
- अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर|
