Upcoming Smartphone : जर तुम्ही नवीन स्मार्टफोन खरेदी करण्याच्या तयारीत असाल तर जरा थांबा. कारण आता लवकरच बाजारात Xiaomi चे 3 शक्तिशाली स्मार्टफोन लाँच होणार आहेत. जे तुमच्या बजेटमध्ये असणार आहेत.
आता Xiaomi आपली नवीन स्मार्टफोन सीरीज लॉन्च करण्याची तयारी करत आहे. कंपनीच्या या नवीन सीरिजचे नाव Redmi K70 असून सीरिजची IMEI सूची या वर्षी जूनमध्ये समोर आली होती. तसेच काही दिवसांनंतर, या सीरिजचा प्रो प्रकार म्हणजेच Redmi K70 Pro गीकबेंचवर पाहायला मिळाला होता.
तीन नवीन स्मार्टफोन होणार लाँच
रिपोर्टनुसार, कंपनीचा हा आगामी फोन बॉक्सच्या बाहेर Android 14 वर आधारित MIUI 15 वर काम करू शकतो. या फोनच्या मागील सीरिजच्या तुलनेत कंपनी नवीन सीरिजमध्ये अनेक अपग्रेड ऑफर करणार असून आता असे सांगितले जात आहे की सुरुवातीला कंपनी या सीरीजमधील तीन स्मार्टफोन K70, K70 Pro आणि K70i लॉन्च करू शकते.
ज्यात तुम्हाला शानदार फीचर्स पाहायला मिळतील.या अहवालात पुढे म्हटले आहे की कंपनी डिसेंबर 2023 च्या पहिल्या आठवड्यात ही सीरीज चीनमध्ये लॉन्च करण्याच्या तयारीत आहे. तर त्याच वेळी, IMEI सूचीमध्ये, फोन लॉन्च टाइमलाइन नोव्हेंबरच्या अखेरीस नमूद केली आहे.
मिळेल 24 GB पर्यंत रॅम आणि शक्तिशाली प्रोसेसर
Geekbench सूचीनुसार, K70 Pro ला सिंगल कोर टेस्टमध्ये 1100 पॉइंट्स आणि मल्टी कोअर टेस्टमध्ये 5150 पॉइंट मिळाले आहेत. तसेच लिस्टिंगनुसार सांगायचे झाले तर कंपनी या फोनमध्ये Adreno 750 GPU सह ऑक्टा-कोर चिपसेट देत आहे.
या शानदार फोनमध्ये ऑफर केलेला चिपसेट Snapdragon 8 Gen 3 असेल याची जवळपास पुष्टी झाली असून कंपनीचा हा फोन 16 GB रॅम सह येईल. रॅम एक्स्टेंशन फीचरच्या मदतीने फोनची एकूण रॅम 24 जीबीपर्यंत असणार आहे. जोपर्यंत मालिकेच्या बेस व्हेरिएंटचा संबंध आहे, तोपर्यंत Snapdragon 8 Gen 2 आणि K70i MediaTek Dimension 9200 चिपसेटसह येईल.
