New Technology:मानवी मेंदू (Human brain) ही जगातील सर्वात कठीण रचना मानली जाते. हजारो बटणे, नॉब्स, डायल आणि लीव्हर्सने भरलेल्या विशाल स्विचबोर्ड प्रमाणे तुम्ही त्याची कल्पना करू शकता. या बटणांच्या मदतीने तुमच्या भावना (Feeling), आठवणी आणि वागणूक नियंत्रित केली जाते.
न्यूरोसायंटिस्ट ही बटणे आणि लीव्हर्स समजून घेण्याचा एक शतकाहून अधिक काळ प्रयत्न करत आहेत. मात्र हे सांगणे जितके सोपे होते, तितकेच मनाला समजणे अवघड आहे.
शास्त्रज्ञांनी नवीन तंत्रज्ञान शोधून काढले –
खरं तर, मेंदू नियंत्रित करणारे सेल्युलर सर्किट बटणे आणि लीव्हरसह येत नाही. वू त्साई न्यूरोसायन्सेस इन्स्टिट्यूटच्या शास्त्रज्ञांनी एक नवीन तंत्रज्ञान (New technology) विकसित केले आहे जे प्राण्यांमधील मेंदू (The brain in animals) चे सर्किट दूरवरून नियंत्रित करू शकते.
बऱ्याच अंशी हे तंत्रज्ञान एखाद्याला संमोहित करण्यासारखे आहे. ज्या पद्धतीने एखाद्याला संमोहित होऊन कोणतेही काम करायला लावले जाऊ शकते. त्याचप्रमाणे या तंत्रज्ञानामुळे मेंदूतील चीप (Brain chips) दुरूनच नियंत्रित करता येते.
या तंत्रज्ञानावर गुओसॉन्ग हाँग (Guosong Hong) आणि त्यांच्या सहकाऱ्यांनी संशोधन केले आहे, जे या वर्षी मार्चमध्ये नेचर बायोमेडिकल इंजिनीअरिंगने प्रकाशित केले होते. नवीन तंत्रज्ञानाचा पाया ऑप्टोजेनेटिक्सवर घातला आहे.
तंत्रज्ञान कसे कार्य करते? –
ऑप्टोजेनेटिक्स (Optogenetics) हे न्यूरोसायन्समधील एक परिवर्तनकारी साधन आहे. हॉंग यांनी सांगितले की मेंदूला दृश्य प्रकाश नीट समजत नाही. म्हणूनच संशोधकांनी इन्फ्रारेड प्रकाशाचा वापर केला. यासाठी त्याने TRPV1 चा वापर केला. TRPV1 हा आण्विक उष्णता संवेदक आहे जो उष्णतेशी संबंधित वेदना जाणवतो.
मात्र सध्या या तंत्रज्ञानाची उंदरांवर चाचणी सुरू आहे. मानवांवर त्याचा वापर करण्याबद्दल कोणतीही माहिती नाही. तथापि, त्याची प्राण्यांवरील यशस्वी चाचणीमुळे न्यूरोसायन्सला खूप मदत होईल.
