अहमदनगर Live24 टीम, 12 मार्च 2021:- एका २६ वर्षीय तरुणाने झाडाला गळफास घेऊन आपली जीवनयात्रा संपविली असल्याची धक्कादायक घटना नेवासा तालुक्यातील पुनतगाव शिवारात घडली आहे.
सुनील वामन पंडूरे असे या आत्महत्या केलेल्या तरुणाचे नाव आहे. या युवकाने आत्महत्या का केली यामागचे कारण कळू शकले नाही.
पुनतगाव रस्त्याच्या कडेला असणाऱ्या उसाच्या शेतातील लिंबाच्या झाडाला गळफास घेऊन आत्महत्या केली. ही घटना शुक्रवारी सकाळी उघडकीस आली आहे.
याबाबत अधिक माहिती अशी कि, बुधवारपासूनच हा तरुण घरातून बेपत्ता होता. परिसरात न आढळून आल्याने नेवासा पोलीस ठाण्यात बेपत्ता असल्याची तक्रार दाखल करण्यात आली होती.
या आत्महत्या केलेल्या युवकाचा मृतदेह कुजलेल्या अवस्थेत आढळून आला. या युवकाने आत्महत्या का केली यामागचे कारण अजून समजू शकले नाही.
- ब्रेकींग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
- अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर|
