Kantara 2 : सप्टेंबर 2022 मध्ये प्रदर्शित झालेला ऋषभ शेट्टीच्या कांतारा या चित्रपटाने जागतिक चित्रपटसृष्टीवर आपली छाप सोडली होती. हा प्रादेशिक चित्रपट असूनही, हा चित्रपट सर्व प्रकारच्या प्रेक्षकांच्या पसंतीस उतरला. अशातच आता प्रेक्षक कांतारा २ ची आतुरतेने वाट पाहत आहेत. दरम्यान, अलीकडेच चित्रपटाच्या दुसऱ्या भागाबाबत एक नवीन अपडेट समोर आले आहे.
मिळालेल्या माहितीनुसार अभिनेता-लेखक-दिग्दर्शक ऋषभ शेट्टी यांच्या नेतृत्वाखाली जागतिक स्तरावर गाजलेल्या कांतारा चित्रपटाच्या सिक्वेलची तयारी सुरू झाली आहे. पहिला भाग प्रदर्शित झाल्यापासून प्रेक्षक या चित्रपटाच्या दुसऱ्या भागाची वाट पाहत आहेत आणि अलीकडेच या चित्रपटाच्या दुसऱ्या भागाची तयारी सुरु असल्याचे समोर येत आहे.
या चित्रपटाच्या दुसऱ्या भागाची सुरुवात 27 नोव्हेंबरपासून सुरू होणार आहे. या चित्रपटासाठी एक मोठा आणि भव्य सेट देखील तयार केला जात आहे, जिथे अभिनेता-दिग्दर्शक ऋषभ शेट्टीसह कलाकार आणि क्रू उपस्थित असतील. निर्माते डिसेंबरमध्ये चित्रपटाच्या पोस्टरचे शूट करतील, त्याचवेळी नवीन कलाकारांची देखील घोषणा केली जाईल.
गेल्या वर्षी सप्टेंबरमध्ये प्रदर्शित झालेल्या ‘कंतारा’ला कथाकथन, अप्रतिम अभिनय, संपादन आणि दैवी संगीत यासाठी जागतिक प्रेक्षकांकडून भरभरून दाद मिळाली होती. या चित्रपटाने मानवांचे देवासोबतचे नाते शोधून काढले आणि बॉक्स ऑफिसवर हा चित्रपट सर्वात मोठा ब्लॉकबस्टर ठरला. प्रेक्षकांच्या सार्वत्रिक प्रेमाचा हा परिणाम होता ज्याने निर्मात्यांना त्याचा दुसरा भाग आणण्यास भाग पाडले. अशातच हा चित्रपट मोठ्या बजेटवर बनवण्यात येणार असून, त्याचा दुसऱ्या भागाची तयारी मोठ्या प्रमाणावर सुरु आहे. मिळालेल्या माहितीनुसार हा चित्रपट 22 डिसेंबर 2024 रोजी होणार रिलीज होणार आहे. मात्र याबाबदल अजूनही अधिकृत माहिती मिळालेली नाही.
