अहमदनगर Live24 टीम, 12 डिसेंबर 2020 :- पर्वती मतदार संघाच्या आमदार माधुरी मिसाळ यांच्या घरात चोरी झाली आहे. मिसाळ यांच्या वानवडी येथील घरातून १८ लाख रुपये किंमतीचे दागिने चोरी गेले आहेत.
या घटनेमुळे एकच खळबळ उडाली आहे. या प्रकरणी ममता दीपक मिसाळ यांनी वानेवाडी पोलिसांत गुन्हा दाखल केला आहे.
पोलिसांनी दिलेल्या माहितीनुसार, वानवडी येथील फेअर रोड येथे फिर्यादी ममता मिसाळ, पती दीपक, मुले आणि जाऊ माधुरी मिसाळ एकत्रित राहतात.
२८ नोव्हेंबर रोजी त्यांच्या एका नातेवाईकांच्या समारंभा करिता त्यांना जायचे होते. त्यावेळी बेड रूममध्ये ठेवलेले दागिने त्यांनी पाहिले. मात्र त्यामध्ये हिरे मोत्यांचा हार आणि कडा सापडला नाही.
त्यानंतर सर्व ठिकाणी शोधाशोध केली. तरीही दागिने सापडले नाहीत. त्यामुळे अखेर त्यांनी पोलिसांकडे तक्रार दिली असून या चोरीच्या घटनेचा तपास केला जात असल्याचे सांगण्यात आले.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com
