अहमदनगर Live24 टीम, 13 जानेवारी 2021 :- देशात कोरोना विषाणूचा फैलाव हळूहळू कमी होत असतानाच कोरोनाविरोधातील लसीकरणालाही सुरुवात होणार आहे. सध्या भारतात दोन लसींना परवानगी मिळाली आहे.
त्याशिवाय रशिया आणि चीनमधील लसींसाठीसुद्धा ऑर्डर देण्यात आली आहे. या सर्व लसींची किंमत केंद्र सरकारने मंगळवारी जाहीर केली आहे.
सरकारने सांगितले की, भारत सरकारने सिरम इन्स्टिट्युटमध्ये उत्पादित होत असलेल्या कोविशिल्डच्या १ कोटी १० लाख डोसांची ऑर्डर दिली आहे. या लसीच्या प्रत्येक डोसची किंमत २०० रुपये असेल. देशात कोरोनाच्या लसीची प्रतीक्षा चारच दिवसांत संपणार आहे.
देशात कोरोनाच्या लसीला मंजुरी मिळाली आहे आणि या लसी राज्यांमध्ये पोहोचवण्याच्या कामाला सुरुवात झाली आहे. यादरम्यान सरकारने सांगितले आहे की सीरम इन्स्टिट्यूटकडून त्यांनी 1 कोटी 10 लाख डोस आणि भारत बायोटेककडून 55 लाख डोस खरेदी केले आहेत.
सरकारने असेही सांगितले आहे की जगातील इतर देशांच्या तुलनेत भारत सरकारने कोरोनाची लस अतिशय कमी किंमतीत खरेदी केली आहे. त्यांच्या म्हणण्यानुसार, सीरम संस्थेने 200 रुपये दराने एक कोटी 10 लाख डोसची ऑर्डर दिली आहे. त्याचबरोबर इंडिया बायोटेकला 295 रुपये दराने 38.5 लाख डोस देण्याचे आदेश देण्यात आले आहेत, परंतु भारत बायोटेक सरकारला 16.5 लाख डोस विनामूल्य देणार आहे.
अशा प्रकारे इंडिया बायोटेक सरकारला एकूण 55 लाख डोस देईल. अशा प्रकारे, लसच्या एका डोसची सरासरी किंमत फक्त 206 रुपये होते. केंद्रीय आरोग्य सचिव राजेश भूषण यांनी सांगितले की, इतर देशांच्या तुलनेत भारताला कमी दरात लस मिळत आहेत. त्यांच्या मते, सध्या कोरोनाची लस सुमारे 50 देशांमध्ये दिली जात आहे.
त्यापैकी फायझर लसीचा एक डोस 1,431 रुपये, मॉडर्ना लसचा एक डोस 2348 ते 2715 रुपये, चीनी कंपनी सिनोफर्मची लस 59650, सिनोव्हॅक बायोटेकची लस 1027 रुपये आणि नोव्हावॅक्सचा एक डोस 1114 रुपयांना देण्यात येणार आहे.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved
