अहमदनगर Live24 टीम,6 ऑक्टोबर 2020 :- शेतातील चारा गो-शाळेला व धान्य गरजूंना या संकल्पातून शिक्षक पोपटराव फुंदे व गुरुकुल महिला आघाडीच्या अध्यक्षा अनुराधा फुंदे या शिक्षक दाम्पत्याने पाथर्डी शहरातील जवळपास तीस भटक्या पालातील गरजू कुटुंबाला दोन पोते धान्य वाटप केले.
आपण समाजाचं देणं लागतो या सामाजिक बांधिलकीच्या भावनेतून गेले काही वर्षे सातत्याने समाजातील वंचित गरजू कुटुंबाला कपडे,
धान्य वाटपासह वेतन आयोगातील वाढीव वेतन खर्च करत अशा कुटुंबातील मुलांच्या शिक्षणाला थेट आर्थिक मदत देत असतात,
याशिवाय अनेक मुलीचं पालकत्व स्विकारुन गरजू निराधारांचा आधार बनून फुंदे दाम्पत्य सामाजिक जाणिवेचा आदर्श निर्माण करत आहे.
हे विश्‍वची माझे घर या उक्तीनुसार आपल्या आसपासचा अबालवृध्द उपाशी झोपू नये की एखादा लहानगा शिक्षणापासून वंचित राहू नये.
आपली जबाबदारी म्हणून आपल्या घासातला घास गरजू वंचितांना देत छोटसं कर्तव्य पार पाडण्याचा प्रयत्न करत असल्याचं अनुराधा फुंदे यांनी सांगितले.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
