अहमदनगर Live24 टीम, 29 डिसेंबर 2020 :-पुणतांबा रास्तापूर गावासाठी मंजूर असलेल्या पुरक पाणीपुरवठा योजनेचे काम सध्या अंतिम टप्प्यात आहे. स्नेहलता कोल्हे यांच्या पाठपुराव्यामुळे पाणी पुरवठा योजनेचे काम सुरू असून योजनेवर महाराष्ट्र जीवन प्राधिकरणाच्या आधिकार्‍यांचे पूर्ण लक्ष आहे.
तसेच या योजनेचे काम उच्च दर्जाचे असणार आहे, याची काळजी घेण्यात आली आहे. तसेच कामाबाबत काही आक्षेप असल्यास अधिकार्‍यांसमवेत बैठकीचे आयोजन केले जाते.
तसेच वेळप्रसंगी ग्रामसभेचे आयोजन करून निर्णय घेतले जात असल्यामुळे सध्या तरी पाणी पुरवठा योजनेचे काम योग्य प्रकारे होत असल्याची ग्रामस्थांची भावना आहे.
दरम्यान या पाणीपुरवठा योजनेसाठी साठवण तलाव, साठवण तलाव ते जलशुध्दीकरण केंदापर्यंतची पाईपलाईन, 25 मीटर उंचीची मुख्य संतुलन टाकी,
शुद्ध पाणी गुरुत्वनलिका, स्वामी समर्थ मंदिर अशोक बाबा आश्रमाजवळ यासह इतर ठिकाणी असलेल्या उंच टाक्या पाण्याच्या वितरण व्यवस्थेसाठी असलेली पाईपलाईनसह अनेक कामे प्रगतीपथावर आहेत. येणार्‍या 2021 मध्ये पुणतांबा ग्रामस्थांना पूरक पाणीपुरवठा योजनेमार्फत शुध्द पाणीपुरवठा होण्याची शक्यता आहे.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
