पारनेर विधानसभा निवडणुकीसाठी शुक्रवारी भाजपचे कार्यकारिणी सदस्य वसंत चेडे, बसपचे जितेंद्र साठे, जनता पार्टीचे प्रसाद खामकर व वंचित बहुजन आघाडीचे दगडू शेंडगे यांनी अर्ज दाखल केले. अर्ज दाखल करण्याच्या शेवटच्या दिवसाअखेर ९ उमेदवारांचे १७ अर्ज दाखल झाले.
चेडे यांच्यासमवेत विश्वनाथ कोरडे, पोपट लोंढे, कृष्णाजी बडवे, सुभाष दुधाडे, बबन डावखर, नगरे, नगराध्यक्ष वर्षा नक्षरे, उपनगराध्यक्ष चंद्रकांत चेडे, बबन डावखर, बाळासाहेब नरसाळे, विश्वास रोहोकले, बंटी रोहोकले, नंदकुमार देशमुख, अर्जुन भालेकर, मालन शिंदे हे जुने पदाधिकारी उपस्थित होते. बहुजन समाज पार्टीच्या वतीने जितेंद्र ममता साठे, वंचित बहुजन आघाडीच्या वतीने दगडू रामजी शेंडगे, तर जनता पार्टीच्या वतीने प्रसाद बापू खामकर यांनी अर्ज दाखल केले. प्रमुख उमेदवारांनी आधीच अर्ज दाखल केल्यामुळे शेवटच्या दिवशी तहसील कार्यालयात फारशी वर्दळ नव्हती.
गुरुवारी अर्ज दाखल केलेल्या सुजित झावरे व संदेश कार्ले यांनी अर्ज दाखल करताना राहून गेलेली काही कागदपत्रे शुक्रवारी सादर केली. सेनेचे आमदार विजय औटी, राष्ट्रवादीचे नीलेश लंके यांच्याबरोबरच बसपाचे जितेंद्र साठे, वंचितचे दगडू शेंडगे, जनता पार्टीचे प्रसाद खामकर हे पाच उमेदवार रिंगणात राहणार आहेत. झावरे व कार्ले यांच्यापैकी एक महाआघाडीच्या वतीने रिंगणात उतरणार असून चेडे यांची भूमिका मात्र अद्याप गुलदस्त्यात आहे.
- Maruti Suzuki Victoris चे टॉप मॉडेल EMI वर खरेदी करण्यासाठी किती रुपये डाऊनपेमेंट करावे लागणार? वाचा सविस्तर
- रेल्वे प्रवाशांसाठी आत्ताची सर्वात मोठी बातमी! रेल्वे मंत्रालयाकडून वंदे भारत स्लीपर ट्रेनला मंजुरी, कधी धावणार नवीन ट्रेन ?
- महाराष्ट्रात तयार होणार नवा Railway मार्ग ! 1647 कोटी रुपयांचा निधी झाला मंजूर, कसा आहे नवा मार्गाचा रूट ?
- महाराष्ट्रातील शेतकऱ्यांना या तारखेपर्यंत कर्जमाफीची भेट मिळणार ! मुख्यमंत्री फडणवीस यांनी कर्जमाफीची तारीखचं सांगितली
- पुणेकरांसाठी मोठी बातमी ! ‘या’ 6 मार्गांवर आता रात्रीच्या वेळी पण धावणार बस, पीएमपीच्या रातराणी बससेवेचा फायदा कुणाला?
