पारनेर :- जि. प. चे माजी उपाध्यक्ष सुजित झावरे यांनी विधानसभा निवडणुकीत बंडाचा झेंडा फडकवत नगर जिल्हातील नेत्यांशी महाआघाडी करून विधानसभा निवडणुकीत उतरणाचा निर्णय घेतला आहे.
त्यामुळे या निवडणुकीत राष्ट्रवादीबरोबर राहुन पक्षाचे अधिकृत उमेदवार निलेश लंके यांना मदत करावी. अशी गळ राष्ट्रवादीच्या पक्षश्रेष्ठींनी झावरे यांना घातली आहे.
दुसरीकडे झावरे यांची मनधरणी करण्यासाठी राष्ट्रवादीचे प्रमुख नेते सोमवारी नगर जिल्हाच्या दौऱ्यावर येत असल्याची माहिती समजली आहे. त्यामुळे पक्षश्रेष्ठी झावरे यांचे मन कळविण्यात यशस्वी होतात की नाही याकडेही लक्ष लागले आहे.
गेल्या अनेक महिन्यांपासून राष्ट्रवादीमध्ये झावरे यांचा स्थानिक पदाधिकान्यांसह पक्षश्रेष्ठींशी धुसफुस चालू आहे. त्यामुळे या विधानसभा निवडणुकीत झावरे यांनी ना. राधाकृष्ण विखे पाटील व खा. डॉ. सुजय विखे यांच्याशी जवळीक साधत भारतीय जनता पार्टीत प्रवेश करण्याचा निर्णय कार्यकर्त्यांशी चर्चा करून घेतला आहे.
परंतु पारनेर नगर विधानसभा मतदार संघ हा शिवसेनेच्या वाट्याला गेल्याने झावरे यांनी भाजपा प्रवेशाबाबत वेट अॅण्ड वॉचची भूमिका घेतली आहे. नगर तालुक्यातील महाआघाडीच्या कळपात जाण्याचा निर्णय घेतला आहे.
या महाआघाडीमध्ये शिवसेनचे जि. प. सदस्य संदेश कार्ले, राष्ट्रवादीचे जि. प. सदस्य माधवराव लामखडे, माजी सभापती जि. प. सदस्य बाळासाहेब हराळ, सभापती रामदास भोर, जि. प. सदस्य प्रताप शेळके यांच्यासह अन्य प्रमुख नेत्यांचा सहभाग आहे. या महाआघाडीवतीने कार्ले व झावरे यांनी अपक्ष उमेदवारी अर्ज दाखल केला आहे.
त्यामुळे दोन दिवसात या महाआघाडीचे उमेदवार पारनेर – नगर विधानसभा मतदार संघात ठरणार असून, कार्ले यांच्या नावावर शिक्कामोर्तब होण्याची शक्यता व्यक्त केली जात आहे. तर दुसरीकडे झावरे यांच्याबाबत पक्षश्रेष्ठीं आशावादी असून मन वळविण्याचे प्रयत्न चालु केले आहेत.
- ब्रेकिंग : ‘या’ राज्य सरकारी कर्मचाऱ्यांचा महागाई भत्ता 3 टक्क्यांनी वाढला, वाचा सविस्तर
- महाराष्ट्र राज्य सरकारी कर्मचाऱ्यांसाठी कामाची बातमी ! ‘या’ 5 आजाराच्या उपचारासाठी मिळणार दीड लाख रुपयांची मदत
- पुढील आठवड्यात शेअर मार्केट मधील ‘या’ 5 कंपन्या बोनस शेअर्स आणि लाभांश वितरित करणार !
- लाडक्या बहिणींसाठी गुड न्यूज ; निवडणुक आयोगाकडे काँग्रेसच्या तक्रारीनंतरही मकर संक्रांतीला पैसे मिळणार, CM फडणवीस म्हणतात….
- महाराष्ट्र राज्य सरकारी कर्मचाऱ्यांना दिल्या जाणाऱ्या ‘या’ 2 भत्त्यात झाली मोठी वाढ!
