पारनेर :- मतदारसंघातील राष्ट्रवादी कॉग्रेस – कॉग्रेस आघाडीचे उमेदवार नीलेश लंके यांच्या प्रचार सभेसाठी राष्ट्रवादी कॉग्रेसचे अध्यक्ष शरद पवार मंगळवारी (८ ऑक्टोबर) पारनेर येथे आले होते. पारनेरमधील सभा संपल्यानंतर जळगावला उड्डाण घेण्याण्यापूर्वीच त्यांच्या हेलिकॉप्टरमध्ये तत्रिक बिघाड झाल्याचे लक्षात आले.
बिघाड झालेल्या हेलिकॉप्टरचे उड्डाण होऊ न शकल्याने दुसरे हेलिकॉप्टर पारनेर येथील हेलिपॅडवर मागविण्यात आले. त्यानंतर पवार दुसऱ्या हेलिकॉप्टरने जळगाव येथे सभेसाठी रवाना झाले.
या दरम्यान, तब्बल दीड तास पवार यांना पारनेर येथे थांबावे लागले. बिघाड झालेले हेलिकॉप्टर पारनेर येथील हेलिपॅडवर असून, त्याला पोलिस बंदोबस्त देण्यात आलेला आहे.
पारनेर विधानसभा मतदारसंघातील राष्ट्रवादीचे उमेदवार नीलेश लंके यांच्या प्रचारार्थ शरद पवार हे पारनेरला आले होते. दुपारी २ च्या सुमारास सभा संपल्यानंतर जेवण करून पवार जळगावकडे रवाना होणार होते.
दरम्यान हेलिकॉप्टरमध्ये तांत्रिक बिघाड झाल्याने हेलिकॉप्टर उड्डाण घेऊ शकत नसल्याचं पायलटने राष्ट्रवादी कॉग्रेसचे पदाधिकारी व पोलिस प्रशासनाला सांगितले.
त्यानंतर राष्ट्रवादीचे काँग्रेसचे नेते दिलीप वळसे पाटील यांनी वरिष्ठ पातळीवर संपर्क साधून दुसरे हेलिकॉप्टर पारनेरला मागवून घेतले. त्यानंतर दुपारी साडेतीनच्या सुमारास शरद पवार जळगाव येथील सभेसाठी रवाना झाले.
- करोडपती बनवणारा शेअर….; 8.15 रुपयांच्या स्टॉकची किंमत पोहोचली 1,500 रुपयांवर ! एक लाख रुपये गुंतवणारे सुद्धा झालेत करोडपती
- छत्रपती संभाजीनगरकरांसाठी आनंदाची बातमी ! शिर्डीसाठी सुरू झाली नवीन एक्सप्रेस ट्रेन, कसा असणार रूट?
- तुमच्या नावावर जमीन किंवा प्लॉट आहे का ? मग केंद्र सरकार देणार घर बांधण्यासाठी पैसे, कसा करायचा अर्ज ?
- पुरंदर, सातारा पाठोपाठ आता महाराष्ट्रातील ‘या’ जिल्ह्याला पण मिळणार आयटी पार्क ! राज्यातील हजारो तरुणांना मिळणार जॉब
- पुणे ते जळगाव प्रवास होणार फक्त 3 तासात ! तयार होणार नवीन एक्सप्रेस हायवे , कसा असणार रूट?
