बीड : राष्ट्रवादीला रामराम ठोकून शिवसेनेत दाखल झालेल्या जयदत्त क्षीरसागर यांना सोमवारी (दि.३०) मातोश्रीवर पक्षप्रमुख उद्धव ठाकरे यांच्या उपस्थितीत एबी फॉर्म देण्यात आला. बीडची जागा सेनेकडे गेल्याने महायुतीतील मित्रपक्ष शिवसंग्रामचे अध्यक्ष आ. विनायक मेटे यांना मोठा धक्का बसला आहे.
बीड मतदारसंघात महायुतीतील मित्रपक्ष शिवसंग्रामचे संस्थापक आ. विनायक मेटे यांना गतवेळी अल्पशा मतांनी पराभव स्वीकारावा लागला होता. लोकसभा निवडणुकीत त्यांनी बीडमध्ये भाजपच्या विरोधात जाहीरपणे भूमिका घेतली होती. दरम्यान, पालकमंत्री पंकजा मुंडे यांच्याशी महायुतीत बीडची जागा शिवसंग्रामसाठी सोडवून घेण्यासाठी ते ईषेला पेटले होते.
रविवारी (दि.२९) शिवसंग्रामच्या समर्थकांनी क्षीरसागरांच्याच राजुरी गावातून नवगण गणपती मंदिराचे दर्शन घेऊन रॅली काढली होती. श्रीक्षेत्र नारायणगडावर नारळ वाढवून रणशिंग फुंकले होते. मात्र आधीच मुंबई मुक्कामी असलेल्या जयदत्त क्षीरसागर यांनी आपले वजन वापरून शिवसेनेची उमेदवारी पदरात पाडून घेत युतीतील इच्छुक स्पर्धकांना हादरा दिला. ‘मातोश्री’वर उद्धव ठाकरे यांच्याकडून त्यांनी एबी फॉर्म स्वीकारला. युतीची घोषणा होण्याआधीच शिवसेनेने बीडची उमेदवारी मंत्री क्षीरसागरांना दिली आहे.
- South Indian Bank Jobs: साउथ इंडियन बँकेत पदवीधरांना नोकरीची सुवर्णसंधी! अर्ज कसा करायचा जाणून घ्या संपूर्ण माहिती….
- संगमनेर मध्ये आमदार अमोल खताळ करतायेत तरी काय ? एक रुपया निधी न आणता उद्घाटन….
- सुप्रीम कोर्टाचा सुप्रीम निर्णय ! सातव्या वेतन आयोगातील ‘या’ राज्य सरकारी कर्मचाऱ्यांचा महागाई भत्ता (DA) वाढवण्याचे आदेश
- राज्यातील दहावी आणि बारावीच्या विद्यार्थ्यांसाठी महत्वाची बातमी ! महाराष्ट्र राज्य सरकारने घेतला मोठा निर्णय
- महाराष्ट्राला सुमारे 500 कोटी रुपयांचा नवा रेल्वे मार्ग मिळणार ! प्रवाशांचा प्रवास होणार सुपरफास्ट
