पारनेर :- कान्हूरपठार व पठार भागावरील शेतीच्या आणि पिण्याच्या पाण्यासाठी वेळप्रसंगी संघर्ष करून रस्त्यावर उतरू आणि तरीही हा प्रश्न सुटला नाही तर सरकारशी दोन हात करू, पण आगामी काळात हा पाणीप्रश्न सोडवूच, अशी ग्वाही तालुक्याचे नवनिर्वाचित आमदार नीलेश लंके यांनी दिली. कान्हूरपठार (ता.पारनेर) येथे मंगळवारी झालेल्या सत्काराच्या कार्यक्रमात ते बोलत होते. अध्यक्षस्थानी माजी ग्रामपंचायत सदश्य विलास व्यवहारे होते.
आ. लंके यांनी सांगितले की, आगामी काळात पठार भागासह पारनेर तालुक्याची लढाई ही पाणीप्रश्नासाठी असेल. पठार भागावरील पिण्याच्या पाण्यासह शेतीच्या पाण्यासाठीदेखील प्रयत्न करणार असून, वेळप्रसंगी पाण्यासाठी रस्त्यावर उतरून आंदोलन करू. मी सर्वसामान्य परिवारातील असल्याने या भागातील महिलांना उन्हाळ्यात किती संघर्ष करावा लागतो, याची जाणीव मला आहे. नजीकच्या काळात महिलांच्या डोक्यावरील हंडा उतरविण्यासाठी प्रयत्न केला जाईल.
आपण जनतेचे आमदार नसून सेवक असल्याचेही ते म्हणाले. वीस किलोमीटर अंतरातील भुमिपुपुत्रांना टोलमाफ झालाच पाहिजे, अशी भूमिका मांडत कान्हूरपठार ते किन्ही रस्त्याचे काम मार्गी लावणार असल्याचे ते म्हणाले. या वेळी पंचायत समितीचे सभापती राहुल झावरे म्हणाले, आगामी काळात ज़नतेचे प्रश्न सोडवण्यासाठी आमदार लंके यांच्या पाठीमागे उभे राहणार असल्याचे म्हणाले.
- पंतप्रधान आवास योजनेत मोठे बदल! 31 ऑगस्ट 2024 पूर्वी जमीन असलेल्यांनाच लाभ; नवीन नियम जाणून घ्या
- १०० वर्षांनंतर दुर्मिळ ‘यश-लक्ष्मी योग’; पुढील दोन दिवस ५ राशींसाठी सुवर्णसंधी
- मुख्यमंत्री देवेंद्र फडणवीसांचे निर्देश; मेट्रो लाईन 8 सह राज्यातील महत्त्वाच्या पायाभूत प्रकल्पांना गती
- महागाईच्या काळात ज्येष्ठ नागरिकांसाठी सुरक्षित बचतीचा मजबूत पर्याय; पोस्ट ऑफिसची SCSS योजना ठरतेय आधार
- आता प्रवास होणार अधिक आरामदायी! पुणे ते बोरीवलीदरम्यान सुरू झाली ई-शिवाई बस सेवा; जाणून घ्या वेळापत्रक आणि मार्ग
