कुकाणे :- नेवासे बुद्रूक व साईनाथनगर येथे मतदान यंत्रात घोळ झाल्याची तक्रार गडाख समर्थकांनी केली आहे.
मतदान यंत्रातील सात नंबरचे बटण दाबल्यावर एक नंबरचा दिवा लागत असल्याचे मतदारांनी सांगितले.
निवडणूक निर्णय अधिकाऱ्यांनी तक्रार घेतली नाही, असे बाळासाहेब कोकणे यांनी सांगितले, तर याबाबत तक्रार दिली नसल्याचे निवडणूक यंत्रणेचे म्हणणे आहे.
मतदानाच्या दिवशी सकाळी सातपासून मतदान केंद्रांवर रांगा लागल्या होत्या.
नेवासे बुद्रूक, साईनाथनगर व अन्य काही ठिकाणी मतदानयंत्रांत घोळ असल्याचे अनेकांनी अधिकाऱ्याच्या निदर्शनास आणले.
नंतर क्रांतिकारी पक्षाच्या गडाख समर्थकांनी तक्रार दाखल करण्याची मागणी केली. याबाबतचा व्हिडिओ सोशल मीडियात व्हायरल झाला आहे.
कोकणे म्हणाले, नेवासे तालुक्याच्या इतिहासात पहिल्यांदाच विक्रमी मतदान झाले.
दुपारनंतर मतदान करताना क्रांशेपचे शंकरराव गडाख यांच्या चिन्हासमोरील बटण दाबल्यानंतर भाजपच्या कमळ चिन्हासमोरील लाल दिवा लागत होता.
तहसीलदार आल्यानंतर आम्ही त्यांना यासंदर्भातील सर्व पुरावे दाखवत तक्रार दाखल करण्याची विनंती केली, परंतु त्यांनी नकार दिला.
ईव्हीएममधील घोटाळ्यामुळे निकालावर परिणाम झाला, तर जनता रस्त्यावर आल्याशिवाय राहणार नाही, असा इशारा कोकणे यांनी दिला.
- महाराष्ट्रातील श्रीमंत लोकांची यादी जाहीर, ‘ही’ आहेत राज्यातील टॉप 10 श्रीमंत व्यक्ती ! सर्वाधिक श्रीमंत लोकांमध्ये किती मराठी ?
- शाळेच्या पोषण आहारात अपहार करणं मुख्याध्यापिकेला भोवलं, मुख्य कार्यकारी अधिकाऱ्यांनी तक्राराची दखल घेत निलबंनाची केली कारवाई
- अहिल्यानगर महानगरपालिकेच्या भाडेतत्वावर देण्यात आलेल्या खुल्या जागा अन् गाळे भाडे वसुलीसाठी १० पथकांची नियुक्ती, २५ कोटींची थकबाकी वसूल करणार
- अहिल्यानगर जिल्ह्यात २४ हजार ७१३ विद्यार्थ्यांनी घेतला अकरावीला प्रवेश, विज्ञान शाखेकडे विद्यार्थ्यांचा कल तर कला अन् वाणिज्य शाखेकडे फिरवली पाठ
- शेवगाव तालुक्यात चोरट्यांच्या टोळीचा धुमाकूळ, वृद्ध दाम्पत्याला मारहाण तर घरासह दुकान फोडत ४ लाखांचा ऐवज केला लंपास
