नाशिक : विधानसभा निवडणुकीच्या जागावाटपावरून भाजपा-शिवसेना युतीत झालेल्या मतभेदांचा कल्याण-उल्हासनगर पाठोपाठ नाशकातही भडका उडाला.
नाशिक पश्चिम विधानसभा मतदारसंघातील भाजपाच्या उमेदवार सीमा हिरे यांच्याविरोधात शिवसेनेचे बंडखोर नगरसेवक विलास शिंदे यांना बळ देण्यासाठी सेनेचे ३६ नगरसेवक व दोन्ही महानगरप्रमुखांसह ३५० पदाधिकाऱ्यांनी पक्षप्रमुख उद्धव ठाकरे यांच्याकडे राजीनामे पाठवले आहेत.
शिवसेनेच्या बालेकिल्ल्यात भाजपाने केलेली घुसखोरी हाणून पाडण्यासाठीच आपला लढा असल्याचा निर्धार राजीनामा देणारे सेनेचे पदाधिकारी व नगरसेवकांनी व्यक्त केला असून, केवळ युतीचा धर्म पाळण्यासाठी शिवसैनिकांवर करावी लागणारी कारवाई पक्षप्रमुखांना यातनादायक ठरू नये, यासाठीच सर्व नगरसेवक व पदाधिकारी स्वत:हून पदाचा राजीनामा देत असल्याचे प्रमुख पदाधिकाऱ्यांनी या वेळी स्पष्ट केले.
लोकसभेचे यश विधानसभेतही गाठण्यासाठी भाजपा-शिवसेनेने पुन्हा एकदा युती केली असली, तरी युतीचा धागा उभय पक्षांतील कार्यकर्त्यांमध्ये निर्माण झालेली मनभेदाची दरी कमी करू शकलेला नाही. युतीच्या जागावाटपावरून राज्यभरात उभय पक्षांचे स् थानिक नेते आणि कार्यकर्त्यांमध्ये बेबनाव निर्माण झाला आहे.
यातून उद्भवलेल्या बंडखोरीतून नाशिक जिल्हादेखील वाचू शकलेला नाही. नाशिक जिल्ह्यातील १५ पैकी ९ विधानसभा मतदारसंघांत शिवसेना, तर सहा विधानसभा मतदारसंघांत भाजपा उमेदवारी करीत आहे.
- चेहऱ्यावरील डाग, काळवटपणा दूर करण्यासाठी रोज लावा ‘हा’ नैसर्गिक फेसपॅक! घरच्या घरी फेसपॅक बनवण्याची पद्धत जाणून घ्या
- डायलिसिस, कर्करोग तसेच ‘या’ मोठ्या आजारांवर होईल मोफत उपचार! सरकारी योजनेसाठी आजच नोंदणी करा, पाहा संपूर्ण प्रोसेस
- 3 तासांचं अंतर अवघ्या 20 मिनिटांत! तब्बल 5,500 कोटी खर्चून भारत बनवतोय आशियातील सर्वात लांब बोगदा; पाहा वैशिष्ट्ये
- डेंग्यू-मलेरियाचा धोका टाळा! घराच्या बाल्कनीत किंवा गार्डनमध्ये लावा ‘ही’ रोपं, डास घराकडे फिरकणारही नाहीत
- Ahilyanagar News : माजी आमदार दादाभाऊ कळमकर यांच्या वाहनाला भीषण अपघात
