पारनेर :- राष्ट्रवादी काँग्रेस व नीलेश लंके प्रतिष्ठानच्या वतीने पारनेर-नगर मतदारसंघातील बेरोजगारांसाठी १४ जुलैला सुपे येथील सफलता मंगल कार्यालयात नोकरी मेळावा आयोजित करण्यात आला आहे.
या मेळाव्यात ८ हजार बेरोजगारांना रोजगार उपलब्ध करून देण्यात येणार असल्याची माहिती नीलेश लंके यांनी पत्रकार परिषदेत दिली. ओटोमोबाईल, फायनान्स, बँकिंग, सिक्युरिटी, हॉस्पिटल, विमा, आयटी आदी क्षेत्रांतील ७५ मल्टीनॅशनल कंपन्यांशी नीलेश लंके प्रतिष्ठानच्या वतीने करार करण्यात आला असून संबंधित अधिकारी मुलाखती घेऊन नियुक्ती करणार आहेत.
आठवीपर्यंत शिक्षण घेतलेले अकुशल कामगार, दहावी-बारावी झालेले कुशल कामगार, इंजिनिअरिंगमधील पदवी, पदविका घेतलेले अभियंते, कृषी, अर्थ विभागात पदवी घेतलेल्या तरुणांसाठी या मेळाव्यात रोजगार उपलब्ध होणार आहे. निवृत्त सैनिकांना सुरक्षा अधिकारी म्हणून नियुक्ती देण्यात येईल. इच्छुकांनी नीलेश लंके डॉट जॉबशोकेस डॉट इनवर नोंदणी करायची आहे.
- महाभारत काळाच्या आधीपासून अस्तित्वात असलेले ‘हे’ झाड अजूनही जिवंत, गिनीज वर्ल्ड रेकॉर्डमध्येही झालीये नोंद!
- महाराष्ट्रातील चौथी ते आठवीच्या विद्यार्थ्यांसाठी महत्वाची बातमी ! 2016 नंतर प्रथमच असं घडणार, शालेय शिक्षण विभागाचा आदेश
- पाकिस्तानमधील 5 सर्वात श्रीमंत क्रिकेटपटूंची यादी, एकजण कोट्यवधींचा मालक असूनही खातोय जेलची हवा!
- मागासवर्गीयांचा निधी न वापरल्याने कर्जत तालुक्यातील ग्रामपंचायतच केली बरखास्त ; ग्रामविकास मंत्रालयाचा आदेश
- सुपा पोलिसांच्या ताब्यातील परप्रांतीय तरुणाचा मृत्यू ; सीआयडी उकलणार गूढ!
