पारनेर :- नगर-पुणे महामार्गावरील जातेगाव शिवारात झालेल्या अपघातात अपघातात बापलेकासह तिघांचा मृत्यू झाला. सोमवारी पहाटे सव्वाच्या सुमारास झालेल्या या दुर्घटनेत अकरा जण जखमी झाले आहेत.
लक्ष्मी वसंत दोमल (वय ६५, रा. सातभाई गल्ली, तोफखाना), विश्वनाथ बाळराम बिमन (वय ५०), ओंकार विश्वनाथ बिमन (वय १०, दोघेही रा. लोणार गल्ली, नगर) यांचा यात मृत्यू झाला.
जखमींमध्ये किसन बलराज बिमन (रा. पाइपलाइन रोड, सावेडी), सुषमा वसंत ऐनगंदूल (रा. श्रमिकनगर, सावेडी), उज्ज्वला शंकर बिमन (शिवाजीनगर, कल्याण रोड), सौंदर्या शंकर बिमन (वय १०), रामचंद्र बलराज बिमन (रा. सर्जेपुरा), वज्राबाई दत्तात्रय बिमन (शिवाजीनगर, नेप्ती नाका), शंकर दत्तात्रय बिमन (कल्याण रोड) यांचा समावेश आहे.
नगर शहरातील बिमन व दोमल हे एकमेकांचे नातेवाईक ट्रॅव्हलर गाडीने आळंदी येथे दशक्रिया विधीसाठी गेले होते. परतीच्या प्रवासात असताना जातेगाव घाटात समोरून येणाऱ्या भरधाव वेगातील टेम्पोचा टायर फुटला. तो दुभाजक ओलांडून मिनीबसवर धडकला. या धडकेत बसमधील लक्ष्मी दोमल व विश्वनाथ बिमन जागीच ठार झाले, तर ओंकार बिमनचा उपचारादरम्यान मृत्यू झाला. अपघातात सुमारे अकरा जण जखमी झाले.
- मुकेश अंबानीच्या अँटिलीया बंगल्यावरील कर्मचाऱ्यांना मिळतो 2 लाख रुपयांपर्यंत पगार; नोकरी कशी मिळणार ? वाचा सविस्तर
- महाराष्ट्र चीन आणि स्वित्झर्लंडचा रेकॉर्ड मोडणार ; जगातील सर्वाधिक लांब काचेचा पूल महाराष्ट्रातील ‘या’ जिल्ह्यात तयार होणार !
- मुंबई ते हैदराबाद प्रवास होणार वेगवान ! महाराष्ट्रात तयार होणार नवा सुपरफास्ट एक्सप्रेस हायवे
- काय सांगता ! चक्क 500 वर्षानंतर तयार होतोय एक नवीन राजयोग, ‘या’ राशीच्या लोकांना मिळणार अपार पैसा
- शक्तिपीठ महामार्ग प्रकल्पात अचानक आला मोठा ट्विस्ट ! CM देवेंद्र फडणवीस यांनी जाहीर केला महामार्गाचा नवीन अलाइनमेंट
