नगर : मुख्यमंत्री देवेंद्र फडणवीस यांच्या महाजनादेश यात्रेच्या तयारीसाठी दोन दिवसांपूर्वी नगरला झालेल्या जिल्हा भाजप कोअर कमिटी बैठकीस अकोल्याचे पक्षाचे ज्येष्ठ नेते अशोक भांगरे उपस्थित राहिल्याने जिल्हा भाजपमध्ये अस्वस्थता पसरली आहे.
भाजपमध्ये नुकत्याच प्रवेश दिलेल्या अकोल्याच्या आमदार वैभव पिचडांचे कट्टर विरोधक म्हणून भांगरे ओळखले जातात. या पार्श्वभूमीवर आता भांगरेंचे करायचे काय, असा प्रश्न जिल्हा भाजपच्या धुरिणांसमोर आहे.
अकोल्याचे राष्ट्रवादीचे आमदार वैभव पिचड व त्यांचे वडील ज्येष्ठ नेते मधुकर पिचड यांनी भाजपमध्ये प्रवेश केला आहे. मुंबईत त्यांचा जंगी पक्ष प्रवेश सोहळाही झाला.
पिचड पिता-पुत्रांना भाजपने प्रवेश दिल्याने अकोल्यातील भाजपचे ज्येष्ठ नेते अशोक भांगरे नाराज झाले आहेत. मधुकर पिचड यांच्या भाजप प्रवेशानंतर त्यांच्याविरोधात भांगरेंनी आंदोलनही केले आहे व पिचडांवर जोरदार टीकाही केली आहे.
या पार्श्वभूमीवर मुख्यमंत्री दौरा नियोजनासाठी झालेल्या भाजप कोअर कमिटी बैठकीस त्यांची उपस्थिती आश्चर्यकारक मानली गेली. त्यांना पाहिल्यावर भाजपच्या वरिष्ठ नेत्यांमध्ये त्यावरून आपसात चर्चाही झडली.
पण भांगरे जिल्हा भाजपच्या कोअर कमिटीत आहेत, पिचडांवर टीका केली म्हणून त्यांच्यावर पक्षाने अजून काही कारवाई केलेली नाही वा पक्षातून काढूनही टाकलेले नाही. अशा स्थितीत कोअर कमिटी सदस्य म्हणून त्यांना निमंत्रण देणे पक्ष नियमानुसार बंधनकारक असल्याने त्यांची येथे उपस्थिती असावी,
असेही मत या वेळी काहींनी मांडले. अर्थात या बैठकीत दौरा नियोजनाव्यतिरिक्त अन्य राजकीय चर्चा फारशी झाली नाही. तरीही आता भांगरेंचे काय, असा प्रश्न बैठकीनंतर भाजप समर्थकांमध्ये चर्चेत होता.
- मार्चमध्ये म्हाडाची बहुप्रतिक्षित घरांची सोडत; मुंबई-पुण्यात ४ हजार परवडणारी घरे उपलब्ध होणार
- आठवा वेतन आयोग : फिटमेंट फॅक्टरवर ठरणार सरकारी कर्मचाऱ्यांची पगारवाढ, बेसिक सॅलरीत मोठी वाढ होण्याची शक्यता
- मुंबईकरांचा प्रवास अधिक सुखकर! वाढती गर्दी पाहता ‘ही’ वंदे भारत ट्रेन आता २० डब्यांसह धावणार; रेल्वेचा मोठा निर्णय
- Sierra EV सोबत भारतात लाँच होणार 4 नव्या इलेक्ट्रिक कार; कोणती EV तुमच्यासाठी सर्वात बेस्ट ?
- नगर-दौंड रेल्वेमार्ग दुहेरीकरणाचा महत्त्वाचा टप्पा पूर्ण; १२० किमी वेगाने धावणार गाड्या
