अहमदनगर Live24 टीम, 30 मार्च 2021:-राष्ट्रवादी काँग्रसचे अध्यक्ष शरद पवार यांना पोटदुखी आणि पित्ताशयाच्या त्रासामुळे मुंबईतील रुग्णालयात दाखल झाले आहेत.
यांनतर त्यांच्या तब्बेतीची विचारपूस करण्यासाठी सर्वपक्षीय नेत्यांकडून करण्यात आली. अनेकांनी ट्विटरवरुन शरद पवार यांच्या चांगल्या प्रकृतीसाठी प्रार्थना केली. यामध्ये भाजपच्या नेत्यांचाही समावेश आहे.
यामध्ये पंतप्रधान नरेंद्र मोदी यांनीही शरद पवार यांच्या तब्येतीची विचारपूस करण्यासाठी फोन केल्याची माहिती समोर आली आहे. पंतप्रधान मोदी यांनी सोमवारी आपल्या तब्येतीची विचारपूस केल्याचे शरद पवार यांनी ट्विटमध्ये म्हटले आहे.
शरद पवारांच्या या ट्विटनंतर भाजप आणि राष्ट्रवादीतील जवळकीची चर्चा राजकीय वर्तुळात रंगायला सुरुवात झाली आहे. दरम्यान काल केंद्रीय आरोग्यमंत्री डॉ. हर्ष वर्धन यांनीही फोन करून शरद पवारांच्या प्रकृतीची विचारपूस केली.
दुसरीकडे देवेंद्र फडणवीस, चंद्रकांत पाटील, पुण्याचे महापौर मुरलीधर मोहोळ यांनीही शरद पवार यांना लवकर बरे होण्यासाठी शुभेच्छा दिल्या आहेत.
- ब्रेकींग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
- अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर
