ST Mahamandal News:- एसटी म्हणजेच बस ही शहरी भागातच नव्हे तर ग्रामीण भागातील देखील एक प्रमुख जीवन वाहिनी आहे असे म्हटले तरी वावगे ठरणार नाही. महाराष्ट्रातील ग्रामीण भागातील तसेच अनेक दुर्गम भागांपर्यंत एसटी महामंडळाने सेवा पुरवली असून त्यामुळे प्रवाशांना प्रवास करणे खूप सोपे होते.
ग्रामीण भागातील गावांची एकमेकांशी कनेक्टिव्हिटी वाढवण्याच्या दृष्टिकोनातून एसटीचे कार्य अनन्य साधारण आहे. परंतु बदलत्या परिस्थितीनुसार आता एसटीने देखील बऱ्याच प्रमाणात बदल करण्यात येत आहेत. एसटी महामंडळ देखील आता काळानुसार पुढे सरकत आहे हेच आता म्हणावे लागेल.
एसटी महामंडळाच्या ताफ्यामध्ये आता अनेक वातानुकूलित व स्लीपर कोच असलेल्या बसेस देखील सुरू करण्यात आलेला आहे. तसेच अनेक नवीन बस खरेदी करण्याचा सपाटा एसटी महामंडळाने लावल्याचे आपल्याला दिसून येते. याच बदलांचा एक भाग म्हणून एसटी महामंडळ देखील आता ऑनलाईन होत असून या ऑनलाइन युगामध्ये एस टी महामंडळाचा हा निर्णय नक्कीच फायद्याचा ठरणार आहे.
एसटीतून प्रवास करण्यासाठी आता खिशात पैसे ठेवण्याची गरज नाही
आता डिजिटलायझेशन आणि ऑनलाइन चा जमाना असून तुम्हाला कुठेही काहीही खरेदी करायचे असेल तर आता तुम्हाला रोकड पैसे ठेवणे गरजेचे नाही. याच मुद्द्याला धरून आता एसटी महामंडळाने देखील ऑनलाइन पेमेंटची सुविधा उपलब्ध केलेली आहे. बसेस मध्ये आता क्यूआर कोडची सुविधा उपलब्ध करून देण्यात आलेली आहे
व या सुविधेमुळे आता ऑनलाईन तिकीट काढून बसचा प्रवास तुम्हाला करता येणार आहे. विशेष म्हणजे या सुविधेची सुरुवात झाली असून पुणे विभागाने ही सुविधा सुरू केली आहे. सुरुवातीला पुणे विभागात दररोज 18 ते 20 हजार रुपयांचे पेमेंट ऑनलाईन माध्यमातून जमा झाल्याची माहिती देखील समोर आलेली आहे. जवळजवळ पुणे विभागातील 14 आगारातून ही सुविधा सुरू करण्यात आलेली आहे.
बँकेचे कार्ड स्वाईप करून घेता येईल तिकीट
ज्याप्रमाणे आपण इतर ठिकाणी पेमेंट करण्यासाठी बँकेचे कार्ड किंवा मोबाईल ॲप्लिकेशनच्या माध्यमातून पेमेंट करतो अगदी त्याच पद्धतीची सुविधा म्हणजेच ऑनलाइन पेमेंट देण्याची सोय एसटी महामंडळाने देखील तिकिटांसाठी उपलब्ध करून दिली आहे.
या माध्यमातून तुम्ही आता कार्ड स्वॅप करून तिकीट काढण्याची पद्धत लवकरच सुरू करण्यात येणार आहे. त्यामुळे आता तुम्हाला खिशात पैसे ठेवण्याची गरज नाही आणि वाहकासोबत सुट्ट्या पैशांवरून जे कधी कधी वाद होता ते देखील आता टाळण्यास मदत होणार आहे.
