अहमदनगर :- नगर लोकसभेची जागा भाजप व राष्ट्रवादीने प्रतिष्ठेची केली आहे. खुद्द मुख्यमंत्री फडणवीस यांनीच विखेंना येथून उमेदवारी दिली असल्याने त्यांचे विशेष लक्ष या मतदारसंघावर आहे.
दुसरीकडे पवार यांनी डॉ. विखेंना उमेदवारी नाकारताना आमदार संग्राम जगताप यांना उतरवून त्यांच्यासाठी आपलीही जिल्ह्यातील राजकीय ताकद एकवटली आहे.
त्यामुळे येत्या १५-२० दिवसात या मतदारसंघात दोन्ही बाजूंनी स्टार प्रचारकांच्या सभांचा धडाका दिसणार आहे.
मार्चच्या अखेरीस नगरमध्ये समर्थकांची बैठक घेऊन पवारांनी जगतापांना दिलासा दिला असताना आता सर्वात आधी त्यांच्याच दोन प्रचार सभा जिल्ह्यात घेतल्या जाणार आहेत.
येत्या शुक्रवारी (५ एप्रिल) सायंकाळी शेवगावला व शनिवारी (६ एप्रिल) कर्जतला त्यांच्या सभा होणार आहेत.
दरम्यान सुजय विखे यांच्या प्रचारासाठी पंतप्रधान नरेंद्र मोदी यांची जाहीर सभा घेण्याचे भाजपचे नियोजन एकीकडे सुरू असताना दुसरीकडे त्यांची ही सभा झाल्यानंतर लगेच मनसेचे प्रमुख राज ठाकरे संग्राम जगताप यांच्यासाठी सभा घेण्याची शक्यता आहे.
बदलत्या राजकारणात ठाकरे व पवार यांच्यात मैत्रीचा नवा अध्याय सुरू झाला आहे.
त्यामुळेच त्याचे पुढचे पाऊल म्हणून मोदींविरोधात त्यांच्याच भाषेत आगपाखड करण्यासाठी राज ठाकरेंना पुढे केले जाणार असल्याचे सांगितले जाते.
या पार्श्वभूमीवर नगरला मोदींची सभा झाल्यावर लगेच राज ठाकरेंचीही सभा अपेक्षित मानली जात आहे.
मोदींची १३ एप्रिलला रामनवमीच्या दिवशी वा नंतर १५ ते १८ एप्रिलदरम्यान सभा घेण्याचे नियोजन आहे. त्यामुळे त्यानंतर राज ठाकरेही नगरला येण्याची शक्यता आहे.
- Sun Pharma Share Price: सन फार्मा शेअरमध्ये 12.80% ची उसळी! SELL करावा का? बघा माहिती
- LIC Share Price: LIC चा शेअर तुमच्याकडे आहे का? पटकन वाचा फायद्याची अपडेट
- आज ‘या’ ऑटोमोबाईल कंपनीचा शेअर रॉकेट! 1 महिन्यात 8% रिटर्न…पुढची टार्गेट प्राईस जाहीर
- Prestige Estate Share Price: आज ‘या’ शेअरमध्ये 51% ची घसरण! पैसा मातीमोल… तुमच्याकडे तर नाही ना?
- Yes Bank Share Price: 6 महिन्यात 23.75% ची तेजी! आज होईल का फायदा? बघा अपडेट
