अहमदनगर Live24 टीम, 7 नोव्हेंबर 2020 :- मी दुसर्‍या पक्षात असूनही त्यांनी मला लहान भावासारखे सांभाळून घेतले. जिल्ह्यातील कारखानादाराला वाटते कर्डिले वरचड होऊ नये, यासाठी त्यांनी कायम प्रयत्न केले.
नगर तालुक्याच्या विकासकामांवर परिणाम होत असल्याची वस्तुस्थिती आहे. कर्डिले आज आमदार नाहीत हे प्रत्येकाच्या मनात असलेली खंत असल्याचे सांगत काँग्रेसचे तालुकाध्यक्ष संपत म्हस्के यांनी कर्डिले यांच्यावर स्तुती सुमने उधळून त्यांचे कौतूक केले.
ते म्हणाले की,अडचणीच्या काळामध्ये शिवाजी कर्डिले शेतकर्‍यांच्या मदतीला धावून आले. जिल्हा बँकेच्या माध्यमातून सर्वसामान्य शेतकर्‍यांना भरीव मदत केली.
त्यांच्या समवेत जिल्हा बँकेत काम करण्याची संधी मला मिळाली. माझ्यासारख्या सर्वसामान्याला बँकेचे उपाध्यक्षपद मिळाले, त्यात कर्डिले यांचे मोलाचेै सहकार्य राहिले.
आम्ही नाबार्डच्या माध्यमातून गाई म्हशीसाठी शेतकर्‍यांना 100 कोटी रुपयांचे कर्ज दिले. आज कोरोनाच्या काळात शेतकरी संकटात आला आहे. अशावेळी कर्डिले शेतकर्‍यांच्या मदतीला धावून आले.
नगर तालुक्याला कर्डिले यांनी कायम सांभाळले. 25 वर्षे ते आमदार होते. यावेळी राहुरीत त्यांचा पराभव झाला. त्याला तालुक्यातून झालेले कमी मतदानही कारणीभूत असल्याचे त्यांनी सांगितले.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
