नेवासा :- भाजपचे आमदार बाळासाहेब मुरकुटे यांचा पराभव करून क्रांतिकारी शेतकरी पक्षाचे शंकरराव गडाख यांनी विजय मिळवला.
आमदार गडाख यांनी शिवसेनेचे पक्षप्रमुख उद्धव ठाकरे यांची भेट घेऊन आपला पाठिंबा दर्शवून शिवसेनेच्या नेतृत्वाखाली काम करण्याचे ठरवल्याने त्यांची मंत्रिपदी वर्णी लागण्याची चिन्हे आहेत.
२०१४ च्या निवडणुकीत गडाख यांचा ४६५९ मतांच्या फरकाने पराभव झाला होता. मुरकुटे हे पंतप्रधान मोदी लाटेत विजयी झाले होते. २०१९ च्या निवडणुकीत गडाख यांना ३०६६१ मताधिक्य मिळाले. संघटन, कौशल्य, नियोजन व जनसंपर्क या बळावर त्यांनी विजय मिळवला.
आता त्यांनी शिवसेनेला पाठिंबा दिल्याने ते शिवसेनेचे आमदार म्हणून काम करणार आहेत. या वेळी कोणत्याही बड्या नेत्यांची सभा न घेता कार्यकर्त्यांच्या बळावर गडाख यांनी विजय खेचून आणला.
त्यामुळे शिवसैनिकांमध्ये उत्साह संचारला असून जिल्ह्यात एकमेव पर्याय म्हणून आमदार गडाख यांचा राज्याच्या मंत्रिमंडळात समावेश व्हावा म्हणून कार्यकर्त्यांनी कंबर कसली असून पक्ष श्रेष्ठींकडे ठाण मांडले आहे. आता आमदार तर झाले, आता नामदार होणार म्हणून चर्चा सुरू झाली आहे.
- अहिल्यानगरच्या शिरपेचात मानाचा तुरा, श्रीरामपूरच्या ‘या’ सुप्रसिद्ध चित्रपट गीतकाराची कविता अभ्यासक्रमात
- अखेर ‘सिस्पे कंपनी’च्या संचालक मंडळावर सुपा पोलिस ठाण्यात गुन्हा दाखल ; जादा परताव्याच्या आमिषाने ४५० कोटींची फसवणूक
- अहिल्यानगरजवळ ‘या’ एमआयडीसीत सुरू होता पैसे छापायचा कारखाना, ५९ लाखांच्या बनावट नोटांसह अडीच कोटी नोटांचे साहित्य जप्त
- शिर्डीत “नक्शा” प्रकल्पाची अंमलबजावणी सुरू ड्रोन सर्व्हेक्षणाद्वारे मिळकतींचे अचूक नकाशीकरण, नागरिकांना सहकार्याचे आवाहन
- प्रतीक्षा संपली ! ‘या’ दिवशी भारतात लाँच होणार Vivo V60; 3 कलर ऑप्शन, 6500 mAh बॅटरी अन बरच काही….
