Cibil Score : जेव्हा तुम्ही कर्जासाठी अर्ज करता, तेव्हा सर्वप्रथम तुमचा CIBIL स्कोर तपासला जातो. तुमचा CIBIL स्कोर खराब असेल तर तुम्हाला कर्ज मिळू शकत नाही. CIBIL स्कोर हा विश्वासार्हतेचा एक उपाय मानला जातो जो मागील कर्जादरम्यान तुमचा परतफेड इतिहास कसा होता हे सांगते. जर तुम्हाला कधी अशी समस्या आली आणि बँकेने तुमचा कर्ज अर्ज फेटाळला तर काळजी करू नका, CIBIL स्कोअर खराब असला तरीही तुम्ही कर्ज घेऊ शकता. आता तुम्ही म्हणाल हे कसे शक्य आहे? चला तर मग…
-जर तुमचा CIBIL स्कोर खराब असेल, तुम्हाला बँकेकडून कर्ज मिळू शकत नसेल आणि तुम्हाला पैशांची खूप गरज असेल, तर तुम्ही NBFC मध्ये अर्ज करू शकता. येथे तुम्हाला कमी CIBIL स्कोअर असतानाही कर्ज मिळू शकते. परंतु व्याजदर बँकांच्या तुलनेत थोडे जास्त असू शकतात.
-दुसरा पर्याय म्हणजे, तुमचा CIBIL स्कोअर खराब असेल पण तुमच्या पार्टनरचा स्कोर चांगला असेल, तर तुम्ही त्याच्यासोबत संयुक्त कर्जाची निवड करू शकता. याशिवाय, ज्याचा क्रेडिट स्कोअर चांगला आहे अशा गॅरेंटरद्वारे तुम्ही कर्ज घेऊ शकता.
-बँकेतून कर्जाची मदत होत नसेल तर आणि तुम्ही नोकरी करत असाल तर अनेक कंपन्यांमध्ये ॲडव्हान्स सॅलरीच्या स्वरूपात कर्जाचा पर्यायही उपलब्ध आहे. अशा परिस्थितीत कर्जाची रक्कम थेट तुमच्या खात्यात पोहोचते. आगाऊ पगाराचा पर्याय निवडून तुम्ही तुमच्या अल्पकालीन गरजा पूर्ण करू शकता.
-तसेच तुम्ही, तुमच्या एफडीवर देखील कर्जासाठी अर्ज करू शकता, किंवा एलआयसी किंवा पीपीएफ सारख्या योजनांमध्ये गुंतवणूक केली असेल, तर तुम्ही त्यावरही कर्ज घेऊ शकता. यामध्ये तुम्हाला तुमच्या जमा केलेल्या रकमेच्या आधारे कर्ज दिले जाते. या कर्जाची परतफेड करण्यासाठी ठराविक कालावधी देण्यात आला आहे. तुमचे पीपीएफ खाते किमान एक आर्थिक वर्ष जुने असल्यास तुम्ही कर्जासाठी अर्ज करू शकता. यावर पाच वर्षांसाठी कर्जाची सुविधा मिळू शकते, त्यानंतर आंशिक पैसे काढण्याची सुविधा उपलब्ध आहे.
-गोल्ड लोन हा सुरक्षित कर्जाचा प्रकार आहे. तुमचा CIBIL स्कोर खराब असेल तर तुम्ही गोल्ड लोनचा पर्याय निवडू शकता. यामध्ये कागदोपत्री काम कमी आहे. तुमचे सोने सुरक्षा म्हणून ठेवले जाते आणि सोन्याच्या सध्याच्या किमतीच्या 75 टक्के कर्ज म्हणून दिले जाते.
