अहमदनगर Live24 टीम, 20 नोव्हेंबर 2020 :-आपण आपली कार खरेदी करण्याचा विचार करत असल्यास नक्की ही बातमी वाचा. जर आपण असा विचार करत असाल की सणासुदीच्या काळात आपण कार खरेदी करू शकलो नाही आता आपल्याला चांगली ऑफर मिळणार नाही तर मग आपल्याला काळजी करण्याची अजिबात गरज नाही.
कारण सणासुदीच्या हंगामातील ऑफरचा काळ निघून गेला आहे, परंतु मोटारीवरील सवलतीच्या ऑफर्स अजूनही सुरू आहेत. उत्सवाच्या हंगामानंतरही टोयोटा तुमच्यासाठी उत्कृष्ट ऑफर घेऊन आला आहे. त्याच्या बऱ्याच वाहनांवर भारी सूट मिळत आहे. कंपनीकडून देण्यात येत असलेल्या ऑफरमध्ये ग्राहक 75000 रुपयांपर्यंत बचत करू शकतात.
इनोव्हावर 75,000 रुपयांपर्यंतची भारी बचत:- टोयोटा इनोव्हावर ग्राहक एकूण 75,000 रुपयांपर्यंत बचत करू शकतात. कंपनीकडून 20000 रुपयांची कॅश सूट आणि 25,000 रुपयांचे कॉर्पोरेट बोनस देण्यात येत आहे. त्याचबरोबर जुन्या कार ऐवजी नवीन इनोव्हा खरेदी करून ग्राहक एक्सचेंज बोनस घेऊन 30000 रुपयांपर्यंत बचत करू शकतात. या गाडीची दिल्लीमधील प्रारंभिक एक्स-शोरूम किंमत 15.66 लाख रुपये आहे.
यारीसवर 50 हजार रुपयांपर्यंतचा फायदा मिळेल:- जर आपल्याला टोयोटा यारीस खरेदी करायची असेल तर उत्सवाच्या हंगामात या कारवर एकूण फायदा 50,000 रुपयांपर्यंत मिळू शकेल. कंपनीकडून ग्राहकांना 15,000 रुपयांची कॅश सवलत दिली जात आहे. त्याच वेळी, एक्सचेंज बोनस / लॉयल्टी प्रोग्राम अंतर्गत ग्राहक एकूण 15,000 रुपयांपर्यंत बचत करू शकतात. याशिवाय कॉर्पोरेट कर्मचार्‍यांना 20,000 रुपयांची अतिरिक्त सूट मिळत आहे. या गाडीची दिल्लीमधील प्रारंभिक एक्स-शोरूम किंमत 8.86 लाख रुपये आहे.
ग्लेन्झावर 30,000 रुपयांपर्यंतची सूट:- टोयोटा ग्लेन्झावर एकूण 30,000 रुपयांपर्यंत सवलत देण्यात येत आहे. कंपनीकडून 15,000 रुपयांची कॅश सूट देण्यात येत आहे. त्याच वेळी जुन्या कारच्या बदल्यात नवीन टोयोटा ग्लान्झा खरेदी करून ग्राहक दहा हजार रुपयांपर्यंत बचत करू शकतील. याशिवाय कंपनीकडून 5 हजार रुपयांची कॉर्पोरेट सवलत दिली जात आहे. या गाडीची दिल्लीमधील प्रारंभिक एक्स-शोरूम किंमत 7.01 लाख रुपये आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
