FD Interest Rate : आरबीआयने सलग चौथ्यांदा रेपो दरात कोणताही बदल केला नाही, त्यानंतर गुंतवणूक योजनांवर लाभ मिळण्याची किंवा वाढीव व्याजदरात वाढ होण्याची शक्यता कमी झाली आहे. असे असूनही स्मॉल फायनान्स क्षेत्रातील फिनकेअर स्मॉल फायनान्स बँक त्यांच्या ग्राहकांना मुदत ठेव योजनेवर 2 कोटी रुपयांपेक्षा कमी गुंतवणूक केल्यास त्यांना 9.11% पर्यंत परतावा देत आहे. जर तुम्ही सध्या एफडीमध्ये गुंतवणूक करण्याचा विचार करत असाल तर तुम्ही येथे गुंतवणूक करू शकता.
फिनकेअर स्मॉल फायनान्स बँक सामान्य नागरिकांसाठी 7 दिवसांपासून ते 10 वर्षांच्या कालावधीसाठी FD वर 3% ते 8.51% दरम्यान व्याजदर देते. तर, ज्येष्ठ नागरिकांसाठी, बँकेने एफडी गुंतवणुकीवर 3.60% ते 9.11% दरम्यान व्याजदर देऊ केले आहेत. बँकेच्या म्हणण्यानुसार, 1000 दिवसांत मुदत ठेव योजनेवर सामान्य लोकांना 8.51% व्याजदर दिला जात आहे. त्याच वेळी, वरिष्ठ गुंतवणूकदारांना त्याच कालावधीत 9.11% पर्यंत व्याजदर मिळेल.
फिनकेअर स्मॉल फायनान्स बँक FD व्याज दर
-फिनकेअर स्मॉल फायनान्स बँक 7 ते 14 दिवसांदरम्यान परिपक्व होणाऱ्या FD वर 3% व्याज दर देत आहे.
-15 दिवस ते 30 दिवसांच्या कालावधीत परिपक्व होणाऱ्या एफडीवर 4.50 टक्के व्याज मिळेल.
-बँक 31 दिवस ते 45 दिवसांच्या कार्यकाळावर 4.75% आणि 46 दिवस ते 90 दिवसांच्या कार्यकाळावर 5.25% व्याज देते.
-91 ते 180 दिवसांच्या मुदतीच्या FD वर 5.75 टक्के व्याजदर उपलब्ध असेल.
-बँक 181 ते 365 दिवसांच्या मुदतीच्या FD वर 6.50 टक्के व्याज दर देत आहे.
-30 महिने आणि एक दिवस ते 999 दिवसांच्या मुदतीच्या FD साठी 8 टक्के व्याजदर दिला जात आहे.
-36 महिने ते 42 महिन्यांदरम्यान परिपक्व होणाऱ्या FD साठी 8.25 टक्के व्याजदर देत आहे.
-42 महिने आणि एक दिवस ते 59 महिन्यांच्या कालावधीतील FD वर 7.50 टक्के व्याजदर देत आहे.
ज्येष्ठ नागरिकांसाठी एफडी व्याजदर
फिनकेअर स्मॉल फायनान्स बँक 7 दिवसांपासून ते 84 महिन्यांपर्यंतच्या कालावधीसाठी ज्येष्ठ नागरिकांसाठी एफडीवर 3.60 टक्के ते 9.11 टक्के व्याजदर देत आहे.
