FD Rate Hike : सातत्याने रेपो दारात वाढ होत असल्याने बँका आपल्या एफडीवरील व्याजदरात देखील वाढ करताना दिसत आहेत. अनेक बँका आपल्या एफडीवरील व्याजदरात वाढ करून जास्तीत जास्त ग्राहकांना गुंतवणुकीकडे आकर्षित करण्याचा प्रयत्न करत आहेत. अशातच नवीन वर्ष सुरु होण्यापूर्वी अनेक बँकांनी FD वरील व्याजदर वाढवले आहेत. या नवीन वाढीनंतर बँका त्यांच्या ग्राहकांना किती परतावा देत आहेत जाणून घेऊया…
बँक ऑफ इंडियाचे व्याजदर
बँक ऑफ इंडियाने डिसेंबर २०२३ मध्ये एफडी दर वाढवले आहेत. बँकेने 1 डिसेंबर 2023 पासून आपल्या ग्राहकांसाठी मुदत ठेवींचे दर वाढवले आहेत. बँक ऑफ इंडियाने अल्प कालावधीसाठी मुदत ठेवींचे दर वाढवले आहेत. बँकेने 46 दिवस ते 90 दिवसांसाठी 5.25 टक्के, 91 दिवस ते 179 दिवसांसाठी 6.00 टक्के, 180 दिवस ते 210 दिवसांसाठी 6.25 टक्के, 211 दिवस ते 1 वर्षापेक्षा कमी कालावधीसाठी 6.50 टक्के व्याजदर जाहीर केले आहेत. आणि 1 वर्षाच्या कार्यकाळासाठी 7.25 टक्के निश्चित केले आहे.
कोटक महिंद्राचे व्याजदर
बँकेने तीन ते पाच वर्षांच्या कालावधीसाठी व्याजदरात वाढ केली आहे. नवीन बदलानंतर, कोटक बँक सामान्य ग्राहकांसाठी सात दिवस ते दहा वर्षांच्या मुदतीवरील ठेवींवर 2.75 टक्के ते 7.25 टक्के आणि या ठेवींवर ज्येष्ठ नागरिकांसाठी 3.35 टक्के ते 7.80 टक्के व्याजदर देऊ करते. हे दर 11 डिसेंबर 2023 पासून लागू आहेत.
डीसीबी बँकेचे व्याजदर
DCB बँकेने 2 कोटींपेक्षा कमी FD साठी निवडलेल्या मुदतीवरील मुदत ठेव दर वाढवले आहेत. DCB बँकेच्या वेबसाइटनुसार, नवीन दर 13 डिसेंबरपासून लागू आहेत. बदलानंतर, बँक सामान्य ग्राहकांसाठी 8 टक्के आणि ज्येष्ठ नागरिकांसाठी 8.60 टक्के व्याजदर देत आहे. वाढीनंतर, DCB बँक सामान्य ग्राहकांना सात दिवस ते दहा वर्षात परिपक्व होणाऱ्या FD वर 3.75 टक्के ते 8 टक्के व्याजदर आणि ज्येष्ठ नागरिकांना 4.25 टक्के ते 8.60 टक्के व्याजदर देईल.
फेडरल बँकेचे व्याजदर
फेडरल बँकेने 5 डिसेंबर 2023 पासून एफडीचे दर वाढवले आहेत. 500 दिवसांसाठीचा व्याजदर 7.50 टक्के करण्यात आला आहे. ज्येष्ठ नागरिकांसाठी, फेडरल बँक आता 500 दिवसांच्या कालावधीसाठी 8.15 टक्के आणि 21 महिन्यांहून अधिक ते तीन वर्षांपेक्षा कमी कालावधीसाठी 7.80 टक्के परतावा देत आहे.
