SBI FD Scheme : देशातील सर्वात मोठी सरकारी बँक स्टेट बँक ऑफ इंडिया आपल्या ग्राहकांसाठी नेहमीच चांगल्या परतावा देणाऱ्या योजना राबवते. दरम्यान, बँकेची अशीच एक योजना आहे जी 15 ऑगस्टला बंद होणार होती. परंतु SBI ने ही मुदत वाढवली आहे. ही मुदत ठेव योजना बँकेची सर्वाधिक व्याज देणारी योजना आहे. जिचे नाव SBI अमृत कलश FD योजना आहे. बँक या FDवर 7 टक्क्यांहून अधिक व्याज देते.
स्टेट बँक ऑफ इंडियाच्या वेबसाइटनुसार, ग्राहकांना अमृत कलश एफडी या विशेष मुदत ठेव योजनेत गुंतवणूक करण्याची आणखी एक संधी देण्यात आली आहे. त्याची वाढती लोकप्रियता पाहून बँकेने या एफडी योजनेची मुदत पुन्हा एकदा वाढवली आहे. आता गुंतवणूकदार 31 डिसेंबर 2023 पर्यंत या योजनेत खाते उघडू शकतील आणि लाभ घेऊ शकतील. ही SBI ची विशेष FD योजना आहे, ज्यामध्ये 400 दिवसांची गुंतवणूक करावी लागते.
एसबीआयच्या या विशेष एफडी योजनेत, जिथे सामान्य ग्राहकांना 7.1 टक्के दराने व्याज मिळते, तर बँक ज्येष्ठ नागरिकांना 7.6 टक्के दराने व्याज देत आहे. या योजनेची अंतिम तारीख सुरू झाल्यापासून दोनदा यात वाढ करण्यात आली आहे. विशेष म्हणजे स्टेट बँकेने यावर्षी 12 एप्रिल रोजी ही योजना सुरू केली होती आणि त्याची अंतिम मुदत 23 जून 2023 पर्यंत निश्चित करण्यात आली होती. परंतु, शेवटची तारीख संपण्यापूर्वी बँकेने ग्राहकांना अमृत कलश योजनेत गुंतवणूक करण्यासाठी 15 ऑगस्ट 2023 पर्यंत संधी दिली. आता पुन्हा एकदा अर्ज करण्यासाठी 31 डिसेंबर 2023 पर्यंत संधी देण्यात आली आहे.
SBI च्या या FD ठेव योजनेवरील मॅच्युरिटी व्याज TDS कापल्यानंतर ग्राहकाच्या खात्यात जमा केले जाते. आयकर कायद्यानुसार लागू होणाऱ्या दराने टीडीएस आकारला जाईल. गुंतवणूकदार अमृत कलश एफडीमध्ये 2 कोटी रुपयांपर्यंत गुंतवणूक करू शकतात. या योजनेत मुदतपूर्व पैसे काढण्याची तरतूद आहे. तुम्ही मुदतपूर्तीच्या तारखेपूर्वी पैसे काढू शकता. बँकेच्या म्हणण्यानुसार, अमृत कलश एफडीमध्ये गुंतवणूक करण्यासाठी वेगळ्या उत्पादन कोडची आवश्यकता नाही. यामध्ये तुम्ही योनो बँकिंग ॲप वापरू शकता.
अमृत कलश एफडी योजनेंतर्गत खातेदार मासिक, त्रैमासिक, अर्धवार्षिक आणि पूर्ण वर्षाच्या आधारावर त्यांचे व्याज घेऊ शकतात. TDS मधून कापलेले व्याज ग्राहकाच्या खात्यात जमा केले जाते. प्राप्तिकर (IT) नियमांनुसार कर कपात सूटची विनंती करण्यासाठी तुम्ही फॉर्म 15G/15H वापरू शकता. या योजनेंतर्गत 19 वर्षे किंवा त्यावरील नागरिक त्यांचे खाते उघडू शकतात.
