अहमदनगर Live24 टीम, 19 डिसेंबर 2020 :- दिल्लीतील तालकटोरा स्टेडियमजवळ कार मध्ये फूड स्टॉल लावणाऱ्या 35वर्षीय करण कुमारची कहाणी दु: ख, निराशा आणि आणि त्यातून पुन्हा नव्या जिद्दीने उभे राहणे यांनी भरलेली आहे.
करण आणि त्यांची पत्नी अमृता दिल्लीतील तालकटोरा स्टेडियम परिसरातील गोल फेरीजवळ राजमा-चावल, कढी-चावल आणि रायता यांची आपल्या ऑल्टो कारमधून विक्री करीत आहेत. करण म्हणतो, आज देवाच्या कृपेने सर्व काही ठीक आहे. मी आता नोकरी करणार नाही जर सर्व काही ठीक झाले तर आम्ही स्वतःचे रेस्टॉरंट उघडू.
‘ लॉकडाऊनमध्ये गेली नोकरी आणि घर :- करण म्हणतात- मी खासदारांची खासगी गाडी चालवत असे. लॉकडाऊन नंतर दुसर्‍याच महिन्यात माझी नोकरी गेली. मी नोकरी करत असताना मी माझ्या पत्नीबरोबर त्यांच्याच बंगल्याच्या सर्व्हर्स क्वार्टरमध्ये राहत होतो. नोकरी गेल्याने हे घरही गेले. आम्ही दोघे उघडे पडलो. घरात जे काही सामान होते ते त्याने गॅरेजमध्ये ठेवले. आम्ही तिथे सामान ठेवू शकलो, परंतु तिथे राहू शकत नव्हतो.
कोणतेही काम मिळाले नाही मग फूड स्टॉल लावला :- करण आणि त्याची बायको दोन महिन्यांपासून ऑल्टो कारमध्ये झोपले आणि त्यांनी गुरुद्वारामध्ये लंगर खाऊन पोट भरले. करणने नवीन नोकरीसाठी खूप प्रयत्न केले. परंतु लॉकडाऊनमुळे कोणतेही काम सापडले नाही. मग कर मधेच फूड स्टॉल सुरू केले.
घरगुती वस्तू विकून काम सुरू केले :- या प्रवासाविषयी, या प्रवासाच्या अडचणी आणि तिला आता मिळणाऱ्या आनंदाविषयी अमृता कुमार सांगतात की, “सर्व काही खूप कठीण होते. जेव्हा हे सर्व घडले तेव्हा असे वाटले होते की जीव संपला पाहिजे. माझ्या नवऱ्याने दुसर्‍या नोकरीसाठी खूप प्रयत्न केले, परंतु मार्ग सापडला नाही.
मी त्यांना स्वतःचे काम सुरू करण्यासाठी त्यांना सतत पटवून देत होते आणि ते पुढे ढकलत होते. त्यांची समस्या होती की आपण हे सर्व कसे सुरू करणार? मग आम्ही आमची आलमारी विकली. त्यातून आलेल्या पैशाने काम सुरू केले. ” पाहिल्यादिवशी तीन किलो तांदूळ, अर्धा किलो राजमा आणि अर्धा किलो छोले बनवले.
परंतु एकही प्लेट विकली गेली नाही. ते सर्व पदार्थ भिकाऱ्यांना वाटले. परंतु नंतर त्या ठिकाणी लोक यायला लागले.आज अमृताच्या स्वयंपाकघरात 8 किलो तांदूळ, अडीच किलो राजमा, 2 किलो चणा, 3 किलो कढी आणि 5 किलो रायता बनविला जातो. सकाळी अकरा वाजता ते येथे पोचतात आणि दुपारी अडीच वाजता सर्व जेवण संपले.
दररोज सुमारे 100 लोक खायला येतात. हाफ प्लेटची किंमत 30 रुपये आहे आणि पूर्ण प्लेटची किंमत 50 रुपये आहे. अशा प्रकारे महिन्याभरात एक लाख रुपयांपर्यंत विक्री केली जाते. काही महिन्यांपूर्वी माफक पगारावर अवलंबून असलेल्या या कपलने आता आपला व्यवसाय पुढे नेण्याचा निर्णय घेतला आहे.
करण म्हणतो, “जेव्हा वाईट काळ सुरु होता तेव्हा आज ना उद्या आपले जीवन संपून जाईल असे वाटत होते. आता चांगले दिवस आले आहेत. आम्ही आमच्या ग्राहकांचे आभार मानतो आणि आम्ही स्वत: चे रेस्टॉरंट पुन्हा सुरू करू. काहीही झाले तरी मी कोणाचीही नोकरी आता करणार नाही. ”
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com
- शेतात, घरात साप निघाला ? पकडू नका अन्यथा होईल 7 वर्षांची शिक्षा
- ‘असे’ लावा आपल्या मोकळ्या जागेवर मोबाइल टॉवर; होईल खूप कमाई
- एलआयसीची भन्नाट योजना ! एकदाच भरा पैसे आणि दर महिन्याला मिळवा 5 हजार रुपये
