Money Saving Tips:- प्रत्येकजण नोकरी किंवा एखादा व्यवसाय, कामधंदा करून कष्टाने पैसे मिळवतात. परंतु आपल्यापैकी बऱ्याच जणांना अनुभव आला असेल की कितीही पैसा कमावला तरी देखील हातामध्ये पैसा राहत नाही. कारण सकाळी उठल्यापासून जर आपण विचार केला तर पैसा लागत असतो.
कारण वेळ कशीही असली तरी खर्च हा होतच असतो. त्यामुळे बचत करण्याची सवय अंगी बाणवणे खूप गरजेचे असते. परंतु बऱ्याचदा आपण संपूर्ण प्रकारे योजना देखील तयार करतो. तरी देखील पैशांची बचत होत नाही अशी अनेक जणांची तक्रार असते. कितीही मार्ग अवलंबले तरी पैसे वाचतच नाहीत.
पैसे कमावून देखील अडचणीच्या वेळी आपल्याकडे पैसा नसतो व दुसरीकडे हात पसरण्याची वेळ आपल्यावर येते. हे समस्या बऱ्याचजणांना येते व या समस्येपासून जर वाचायचे असेल तुम्ही कमावलेला पैसा जर तुम्हाला वाचवायचा असेल तर काही गोष्टींची काळजी घेणे गरजेचे असते. त्यामुळे या लेखात आपण अशा काही टिप्स बघणार आहोत ज्याद्वारे तुम्ही लागणारा आवश्यक खर्च करून देखील सहजपणे पैसे वाचवू शकतात.
या टिप्स वापरा आणि पैशांची बचत करा
1- अनावश्यक खर्चावर नियंत्रण मिळवा– सगळ्यात महत्त्वाचे म्हणजे तुम्हाला जर पैशांची बचत करायची असेल तर तुम्हाला अगोदर तुम्ही कोणकोणत्या प्रकारचे अनावश्यक खर्च करतात ते टाळणे गरजेचे आहे. म्हणून तुम्ही प्रत्येक महिन्याला तुमचा खर्च काय काय होणार आहे याची यादी तयार करावी. अशा प्रकारची यादी तयार केल्यामुळे तुम्हाला नको त्या ठिकाणी होणारा खर्च लक्षात येतो व अशा खर्चावर तुम्हाला मर्यादा घालता येते. हे केल्याने देखील तुमचा बराच पैसा वाचतो.
2- मनोरंजन व इतर बाबींवर कमी खर्च करावा– आजकाल बरेच जण इंटरनेट तसेच ओटीपी प्लॅटफॉर्म सबस्क्रीप्शन, मोबाईल रिचार्ज तसेच इतर मनोरंजनाच्या साधनांवर खूप पैसा खर्च करतात. तसे पाहिले गेले तर काही अर्थाने हे खर्च आवश्यक असतात देखील परंतु या खर्चांवर मर्यादा घालणे देखील तितकेच गरजेचे आहे. यामध्ये तुम्ही अशा प्लॅटफॉर्मचा वापर एका मर्यादित करून तुमच्या खर्चावर नियंत्रण मिळवू शकतात व पैसे वाचवू शकतात.
3- लाईफस्टाइलवरील खर्चावर नियंत्रण– आज-काल बरेच लोकांना बाहेर खाणे खूप आवडते. बरेच जण हॉटेलमध्ये जाऊन खातात किंवा झोमॅटो सारख्या इतर काही प्लॅटफॉर्मचा वापर करून ऑनलाईन ऑर्डर करतात. या पद्धतीमुळे देखील खूप खर्च होत असतो व असा खर्च बऱ्याचदा आपल्या लक्षात देखील येत नाही.
अशा प्रकारचा खर्च तुम्ही महिन्यातून एक किंवा दोनदा करणे ठीक आहे. परंतु तुम्ही प्रत्येकच वीकेंडला हा खर्च करत असाल तर यावर नियंत्रण मिळवणे खूप गरजेचे आहे. यावर तर तुम्ही नियंत्रण मिळवले तर तुमचा खूप पैसा या माध्यमातून वाचू शकतो.
4- उत्पन्न वाढवण्यावर भर द्यावा– खर्च मर्यादेत ठेवणे हे जितके महत्त्वाचे आहे. तितकेच तुम्हाला बचत जास्तीत जास्त करायची असेल तर तुम्ही तुमचे सध्याच्या उत्पन्नात वाढ करणे देखील तितकेच गरजेचे आहे. आजकाल महागाईच्या युगामध्ये एकच प्रकारचा आर्थिक उत्पन्नाचा स्त्रोत हा पुरेसा ठरत नाही.
त्यामुळे तुमच्या आहे त्या उत्पन्नाला इतर साईड इन्कम म्हणून काही काम करता येईल का याचा शोध घेऊन त्या पद्धतीने काम करून जास्तीचा पैसा मिळवणे खूप गरजेचे आहे. जेणेकरून तुम्ही खर्चावर आणलेली मर्यादा आणि अधिकचे उत्पन्न या माध्यमातून तुम्ही चांगला पैसा वाचवू शकतात.
