Multiple Bank Accounts : तुमचीही एकापेक्षा जास्त बँक खाती असतील तर ही बातमी तुमच्यासाठी महत्वाची आहे. एकापेक्षा जास्त बँक खाती ठेवल्याने तुम्हाला आर्थिक नुकसानाला समोरे जावे लागू शकते. होय, तुम्ही एकापेक्षा जास्त खाती वापरत असाल तर भविष्यात तुम्हाला मोठ्या संकटांना तोंड द्यावे लागू शकते. जर कमावती व्यक्ती म्हणजे पगारदार व्यक्ती असेल तर अनेक बँक खात्यांऐवजी एक बचत बँक खाते असणे कधीही चांगले.
जर तुमच्याकडे जास्त बँक खात्यांपेक्षा एक बँक खाते असेल तर तुम्हाला आयकर रिटर्न भरण्यात अडचण येत नाही, तुमचे हे काम अगदी सोपे होते, कारण तुमचे बहुतांश बँकिंग तपशील एकाच बँक खात्यात उपलब्ध असतात. ही फक्त सोयीची बाब आहे. याशिवाय त्याचे इतरही फायदे आहेत.
तुमच्याकडे बचत खाते असल्यास, काही आर्थिक फायदे आहेत कारण तुम्हाला फक्त एका बँकेसाठी डेबिट कार्ड एएमसी, एसएमएस सेवा शुल्क, किमान शिल्लक शुल्क इत्यादी भरावे लागतील.
म्हणून एकच बचत खाते ठेवणे कधीही चांगले, असे तज्ज्ञांचे म्हणणे आहे. त्यामुळे किमान शिल्लक राखणे सोपे जाते. कारण डेबिट कार्ड एएमसी, एसएमएससारखे शुल्क अनेक बँकांमध्ये भरावे लागत नाही.
एकाहून अधिक बँक खाते असल्याचे नुकसान :-
-एकापेक्षा जास्त बँक बचत खाते असणे म्हणजे निष्क्रिय खाते असण्याची शक्यता. यामध्ये फसवणूक होण्याची शक्यता सर्वाधिक आहे. जेव्हा पगारदार व्यक्ती आपले वेतन खाते सोडते आणि एका कंपनीतून दुसऱ्या कंपनीत नोकरी बदलते तेव्हा हे घडते. अशा परिस्थितीत, पगारदार खाते निष्क्रिय होते आणि आधी सांगितल्याप्रमाणे, अशा खात्यांमध्ये फसवणूक होण्याची सर्वाधिक शक्यता असते.
-तुमच्याकडे एकापेक्षा जास्त बँक खाती असल्यास, तुम्हाला किमान शिल्लक राखण्यात अडचण येऊ शकते. अशा परिस्थितीत दंड होण्याची दाट शक्यता असते. हे तुमच्या CIBIL रेटिंगशी जोडलेले आहे.
-बँक खाते असल्यास एका बँकेसाठी सेवा शुल्क भरावे लागते. तुमचे एकापेक्षा जास्त बँक खाते असल्यास, तुमचे खाते ज्या बँकांमध्ये आहे त्या सर्व बँकांसाठी तुम्हाला सेवा शुल्क भरावे लागेल.
-बँकेत किमान बँक शिल्लक ठेवणे आवश्यक आहे. तुमची अनेक बँकांमध्ये खाती असल्यास, तुमची मोठी रक्कम मिनिमम बॅलन्सच्या समस्येत अडकलेली असते. आजकाल, खाजगी बँका 20,000 रुपये किमान शिल्लक मागत आहेत. जर तुमची अशा दोन बँकांमध्ये खाती असतील तर तुमचे 40,000 रुपये अडकले आहेत. हेच 40,000 रुपये गुंतवले तर त्यावर 8 टक्के परतावा मिळू शकतो. तर बँकेत ठेवी ठेवल्यास सुमारे 4-5 टक्के परतावा मिळतो.
