अहमदनगर Live24 टीम, 13 डिसेंबर 2020 :- 2020 चा शेअर बाजार खूप अस्थिर होता. सुरुवातीच्या काही महिन्यांत कोरोना साथीच्या प्रादुर्भावामुळे बाजार घसरला, परंतु अनलॉक सुरू झाल्यावर सेन्सेक्स-निफ्टी सतत चढत गेले.
आता दोन्ही निर्देशांक विक्रमी पातळीवर आहेत. दरम्यान, अनेक शेअर्सनी जोरदार रिटर्न्स दिले आहे. येथे आम्ही तुम्हाला अशा 4 शेअर्सबद्दल सांगू ज्याने 2020 मध्ये गुंतवणूकदारांना यशस्वी केले.
या चार शेअर्समध्ये पुढच्या वर्षी म्हणजेच 2021 मध्ये चांगला परतावा देण्याची क्षमता आहे. हे चारही शेअर्स बँकिंग आणि वित्त क्षेत्रातील आहेत. या शेअर्समधून चांगले रिटर्न्स मिळेल अशी अपेक्षा मोतीलाल ओसवाल इंस्टीट्यूशनल इक्विटीने व्यक्त केली आहे.
आयसीआयसीआय बँक :- आयसीआयसीआय बँकेचा शेअर मार्चमध्ये 283.9 रुपयांवर आला होता, तो 10 डिसेंबरला 506.95 रुपयांवर बंद झाला. किरकोळ ठेवींमध्ये बँकेने चांगलीच वाढ केली आहे. जुलै ते सप्टेंबर या तिमाहीत बँकेचा नफा वार्षिक आधारावर 6 पट वाढून 4251 कोटी रुपये झाला. गेल्या वर्षी याच तिमाहीत बँकेचा नफा 655 कोटी होता. त्याचा निव्वळ व्याज मार्जिन 8077 कोटी रुपयांवरून 16 टक्क्यांनी वाढून 9366 कोटी रुपये झाले. या शेअर्समध्ये चांगला परतावा मिळण्याची शक्यता आहे.
मुथूट फायनान्स :- 1 जानेवारी 2020 ला मुथूट फायनान्सचा शेअर्स 761 रुपये होता. आज मुथूट फायनान्सचे शेअर्स 1182.55 रुपयांवर बंद झाले आहेत. म्हणजेच 1 जानेवारीपासून या शेअरने गुंतवणूकदारांना 55.39 टक्के परतावा दिला आहे. सोन्याची जास्त मागणी आणि लॉकडाऊनचा ग्राहकांवर होणारा परिणाम लक्षात घेता मध्यम टर्ममध्ये हा शेअर चांगला परतावा देईल अशी अपेक्षा मोतीलाल ओसवाल इंस्टीट्यूशनल इक्विटीजनी व्यक्त केली आहे. जुलै ते सप्टेंबर या तिमाहीत कंपनीचा नफा 2.5 टक्क्यांनी वाढून 931 कोटी रुपये झाला.
महिंद्रा अँड महिंद्रा फायनान्शियल :- महिंद्रा अँड महिंद्रा फायनान्शियलची पॅरेंट कंपनी म्हणजे महिंद्रा अँड महिंद्रा आहे ज्यामुळे बँकिंग सिस्टम व भांडवल बाजारातून पैसे जमा करणे कंपनीला सुलभ होते. मार्चमध्ये हा साठा 91.3 रुपयांवर आला होता, तर आज तो 170 रुपयांवर बंद झाला आहे. कंपनीच्या लोन ग्रोथमध्येहि वाढ अपेक्षित आहे. वार्षिक आधारावर महिंद्रा अँड महिंद्रा फायनान्शियलचा नफा जुलै ते सप्टेंबरमध्येही 34 टक्क्यांनी वाढून 353 कोटी रुपये झाला आहे. या कालावधीत कंपनीचे एकूण उत्पन्नही 2936 कोटी रुपयांवरून 5% वाढून 3071 कोटी रुपये झाले.
एलआयसी हाउसिंग फायनान्स :- एलआयसी हाउसिंग फायनान्सचा शेअर्स मार्चमध्ये घटून 191.6 रुपयांवर आला होता, जो सध्या 346.40 रुपये आहे. वार्षिक आधारावर एलआयसी हाउसिंग फायनान्सचा नफा जुलै ते सप्टेंबरमध्येही 3% टक्क्यांनी वाढून 789.67 कोटी झाला आहे. कंपनीचे एकूण उत्पन्नही या काळात 4980.80 कोटी रुपयांवरून 4987.64 कोटी रुपये झाले. जर आपण शेअर्समध्ये गुंतवणूकीचा विचार करीत असाल तर चांगला परतावा यात तर मिळतोच पण यात रिस्क देखील असते हे लक्षात ठेवा.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com
- शेतात, घरात साप निघाला ? पकडू नका अन्यथा होईल 7 वर्षांची शिक्षा
- ‘असे’ लावा आपल्या मोकळ्या जागेवर मोबाइल टॉवर; होईल खूप कमाई
- एलआयसीची भन्नाट योजना ! एकदाच भरा पैसे आणि दर महिन्याला मिळवा 5 हजार रुपये
