Punjab National Bank : पंजाब नॅशनल बँकेच्या ग्राहकांसाठी महत्वाची बातमी आहे, बँकेने एक सूचना जारी केली आहे, त्याअंतर्गत बँकेने ग्राहकांना सतर्कतेचा इशारा दिला आहे. सध्याच्या या डिजिटल युगात ऑनलाइन फसवणुकीचे प्रकार मोठ्या प्रमाणात वाढले आहेत. फसवणूक करण्यासाठी फसवणूक करणारे वेगवेगळे मार्ग अवलंबत आहेत.
यामध्ये बँकांची नावे मोठ्या प्रमाणात वापरली जातात. दरम्यान, पंजाब नॅशनल बँकेच्या नावानेही असेच काहीसे सुरु आहे. ज्याच्या संदर्भात बँकेने आपल्या ग्राहकांना सावध केले आहे जेणेकरून त्यांची कोणत्याही प्रकारची फसवणूक होऊ नये आणि त्यांना कोणत्याही नुकसानीला समोरे जावे लागू नये.
भारत सरकारच्या सायबर गुन्हे शाखेने या फसवणुकीचा पर्दाफाश केला असून, पीएनबीच्या गुंतवणूक योजनेच्या नावाने होत असलेल्या या फसवणुकीची माहिती त्यांच्या एक्स हँडल (पूर्वीचे ट्विटर) ‘सायबर दोस्त’ वर दिली आहे. अशा कोणत्याही जाहिरातीवर विश्वास ठेवू नये, असेही लोकांना सांगण्यात आले आहे.
सरकारी हँडल सायबर दोस्तने हे पोस्ट केले आहे, त्यात असे म्हटले आहे की “‘100 रुपयांच्या गुंतवणुकीवर 200 रुपये कमिशन, 200 रुपयांच्या गुंतवणुकीवर 400 रुपये कमिशन’ यासारख्या जाहिरातींवर विश्वास ठेवू नका. तसेच बनावट अर्धवेळ नोकरी/गुंतवणूक अ‍ॅप्सपासून दूर राहा. याशिवाय, एक फोटो देखील पोस्ट केला आहे, जी PNB सारखीच एक बनावट वेबसाइट आहे जी PNB चे नाव वापरून असे प्रकार करत आहे. पंजाब नॅशनल बँकेनेही आपल्या सोशल मीडियावर याबाबत माहिती दिली आहे, आणि आपल्या ग्राहकांना सावध राहण्याचा सल्ला दिला आहे.
फसवणूक टाळण्यासाठी काय करावे?
कोणत्याही प्रकारची फसवणूक टाळण्यासाठी तुम्ही काही गोष्टी लक्षात ठेवाव्यात.
इंटरनेटवर गुंतवणुकीशी संबंधित कोणतीही जाहिरात पाहिल्यास त्याची पडताळणी करा. यासाठी तुम्ही अधिकृत वेबसाइटची मदत घेऊ शकता.
कोणत्याही बँकेची वेबसाइट उघडताना नेहमी URL तपासा.
बँक तुमचा OTP कधीच विचारत नाही. या कारणास्तव, ऑनलाइन कोणाशीही OTP शेअर करू नका.
