SBI Home Loan : तुम्ही सध्या गृहकर्ज घेण्याचा विचार करत असाल तर ही बातमी तुमच्यासाठीच आहे. देशातील सर्वात मोठ्या बँकेने आपले गृहकर्ज स्वस्त केले आहेत. अशातच तुम्ही कमी दरात कर्ज मिळवाल. चला या बँकेबद्दल जाणून घेऊया.
एसबीआयकडून स्वस्त दरात गृहकर्ज मिळवण्याची ही संधी चांगली आहे. पण स्वस्त दरात कर्ज मिळवण्याची ही शेवटची संधी आहे. कारण एसबीआयची ही विशेष गृहकर्ज ऑफर डिसेंबरमध्ये संपणार आहे. या अंतर्गत, CIBIL स्कोअरच्या आधारे गृहकर्जाच्या सामान्य व्याजदरावर 0.65 टक्क्यांपर्यंत सूट दिली जात आहे. लक्षात घ्या ही ऑफर केवळ 31 डिसेंबर 2023 पर्यंत वैध आहे.
CIBIL स्कोर म्हणजे काय ?
CIBIL स्कोअरला क्रेडिट स्कोअर असेही म्हणतात. हे 300 आणि 900 च्या दरम्यान मोजले जाते, ते जितके जास्त असेल तितकेच कमी व्याजावर कर्ज मिळण्याची शक्यता आहे. हे गृहकर्ज, वैयक्तिक कर्ज, क्रेडिट कार्ड आणि कार लोन इत्यादी घेताना वापरले जाते.
SBI वेबसाइटनुसार, CIBIL स्कोअर 750 ते 799 आणि त्याहून अधिक असलेल्या लोकांना 0.55 टक्के सवलतीसह 8.60 टक्के व्याजदराने गृहकर्ज दिले जात आहे. CIBIL स्कोअर 700-749 असलेल्या ग्राहकांना 0.65 टक्के सूट देऊन 8.7 टक्के व्याजदराने गृहकर्ज दिले जात आहे. त्याच वेळी, ज्यांना CIBIL स्कोअर 550 ते 699 आहे त्यांना बँकेकडून कोणत्याही प्रकारची सवलत दिली जात नाही. त्यांना ९.४५ टक्के आणि ९.६५ टक्के व्याजदराने गृहकर्ज दिले जात आहे. त्याचबरोबर क्रेडिट इतिहास नसलेल्या लोकांनाही बँकेकडून या ऑफरचा लाभ दिला जात आहे.
SBI होम लोन टेकओव्हरवर 20 बेसिस पॉइंट्सची सूट देत आहे, तसेच बिल्डरच्या टायअप मालमत्तेवर गृहकर्ज घेतल्यावर बँकेकडून ५ बेसिस पॉइंट्सची अतिरिक्त सूट दिली जात आहे.
