Solar Energy Business:- केंद्र सरकारच्या माध्यमातून सौर ऊर्जेचा वापर करण्याकरिता प्रोत्साहन दिले जात असून त्याकरिता सरकारच्या माध्यमातून अनेक आकर्षक अशा योजना सुरू करण्यात आलेले आहेत. या योजनांच्या माध्यमातून अनुदान दिले जात आहे.
या योजना राबवण्यामागे जर आपण सरकारचा हेतू पाहिला तर भारताच्या 50% ऊर्जेच्या ज्या काही गरजा आहेत त्या अक्षय ऊर्जा स्त्रोतांद्वारे पूर्ण करण्याचे सरकारचे उद्दिष्ट असल्यामुळे साहजिकच आता सौर ऊर्जा उद्योगाला मोठ्या प्रमाणावर चालना मिळताना दिसून येत आहे.
त्यामुळे आता सौर ऊर्जा क्षेत्रामध्ये व्यवसायाच्या अनेक संधी निर्माण झालेले आहेत. अगदी कमीत कमी भांडवलामध्ये आणि तुमच्या कल्पकतेच्या जोरावर या संधीचे सोने करून आयुष्यभरासाठी एका व्यवसायाची उभारणी करून चांगला पैसा मिळवू शकतात.
सौर ऊर्जा क्षेत्रात व्यवसायाच्या संधी
1- सोलर पावर प्लांट इन्स्टॉलेशन व्यवसाय– सोलर पावर प्लांट बसवण्याचा व्यवसाय करून तुम्ही चांगली कमाई करू शकता. आजकाल बाजारामध्ये अनेक कंपन्यांच्या माध्यमातून सोलर पावर प्लांट इन्स्टॉलेशन सेवा दिली जात असून तुम्हाला देखील हा व्यवसाय सुरू करायचा असेल तर चार लाख आणि त्याहून अधिक रकमेची आवश्यकता असू शकते.
2- सोलर पावर प्लांट निर्मिती व्यवसाय– तसेच सोलर ऊर्जा संबंधित दुसरा व्यवसाय म्हणजे सोलर पावर प्लांट निर्मिती करण्याचा व्यवसाय होईल. यामध्ये अनेक कंपन्या सौर पॅनल आणि सौर संयंत्रामध्ये वापरल्या जाणाऱ्या बॅटरी व इतर आवश्यक घटक तयार करत आहेत. यामुळे या व्यवसाय प्रकारांमध्ये देखील अनेक प्रकारची संधी आहे.
3- सौर ऊर्जा संयंत्र विक्री व्यवसाय– सोलर पावर प्लांट विक्रीचा व्यवसाय मोठ्या प्रमाणावर वाढताना दिसून येत असून यामध्ये अनेक कंपन्या फक्त सोलर पावर संयंत्र विक्री व्यवसाय मध्ये आहेत. कमीत कमी एक लाख रुपये भांडवलात हा व्यवसाय सुरू करता येऊ शकतो.
4- सोलर पावर प्लांट मेंटेनन्स म्हणजेच देखभाल व्यवसाय– सोलर पावर प्लांट मेंटेनन्स व्यवसायाकडे अनेक कंपन्या वेगाने वाटचाल करत असून सोलर सिस्टम किंवा सोलर प्लांटची वेळोवेळी देखभाल करणे गरजेचे असते.
त्यामुळे या पद्धतीची सेवा अनेक कंपन्यांच्या माध्यमातून दिली जात आहे. तुम्हाला देखील हा व्यवसाय सुरू करायचा असेल तर तुम्ही कमीत कमी 50 हजार रुपये भांडवल गुंतवणूक करून सोलर पावर प्लांट मेंटेनन्स व्यवसाय सुरू करू शकतात.
