Bonus Shares : शेअर बाजरात नुकसान झाल्यानंतर अनेक कंपन्या बोनस शेअर देण्याचा विचार करत आहेत. यामध्ये मारुती इन्फ्रास्ट्रक्चरचे देखीक नाव आहे. बोनस शेअर्सच्या मुद्द्यावर विचार करण्यासाठी कपंनी 22 जून रोजी बैठक घेणार आहे. कंपनीच्या इतिहासात अशा प्रस्तावावर विचार करण्याची ही पहिलीच वेळ असेल.
कंपनीच्या एका शेअरचे दर्शनी मूल्य सध्या 10 रुपये आहे. कंपनीने यापूर्वी कधीही स्टॉक स्प्लिट केलेले नाही. बोनस इश्यू आणि स्टॉक स्प्लिट या दोन्हीसाठी रेकॉर्ड डेट अद्याप ठरलेली नाही.
कंपनीचा शेअर आज 17 टक्केने वाढून 188 रुपयांवर पोहोचला. त्याची 52 आठवड्यांची उच्च किंमत 199 रुपये आणि 52 आठवड्यांची सर्वात कमी किंमत 99 रुपये आहे. कंपनीचे मार्केट कॅप 233.06 कोटी रुपये आहे.
बोनस शेअर्स कंपनीकडून त्याच्या विद्यमान भागधारकांना पूर्णपणे पेड-अप शेअर्स म्हणून विनामूल्य वितरित केले जातात. हे साधारणपणे कंपनीची प्रति शेअर कमाई वाढवण्यासाठी, भांडवली आधार वाढवण्यासाठी आणि मुक्त राखीव रक्कम कमी करण्यासाठी केले जाते. स्टॉक स्प्लिट हा सामान्यत: कंपनीसाठी त्याचे थकबाकीदार शेअर्स वाढवण्याचा आणि शेअर होल्डर्ससाठी स्टॉक अधिक परवडणारा बनवून ट्रेडिंग लिक्विडिटी सुधारण्याचा एक मार्ग मानला जातो.
कंपनी कोणत्या कामात गुंतलेली आहे?
मारुती इन्फ्रास्ट्रक्चर आणि ईडब्ल्यूएस गृहनिर्माण प्रकल्प आणि शहरी पायाभूत सुविधा प्रकल्पांमध्ये गुंतलेली आहे. अहमदाबाद येथे स्थित, यात व्यावसायिक आणि निवासी दोन्ही भागांचा समावेश आहे. त्यांच्या वेबसाइटनुसार, सध्या सुमारे 207.25 कोटी रुपयांचे काम आहे, जे येत्या दोन वर्षांत पूर्ण होईल.
