Post Office TD : तुम्ही सध्या कमी धोका असलेल्या आणि चांगल्या परतवा देणाऱ्या गुंतवणूक योजना शोधत असाल तर ही बातमी तुमच्यासाठीच आहे. आज आम्ही पोस्टाच्या योजनेबद्दल माहिती सांगणार आहोत. जिथे कमी जोखमीसह परतावा देखील चांगला मिळतो. पोस्टाच्या स्मॉल सेविंग स्कीम तुमच्यासाठी उत्तम पर्याय आहेत.
तुम्ही 5 वर्षांसाठी गुंतवणूक योजना शोधात असाल तर, येथे तुम्ही गुंतवणूक करण्याचा विचार करू शकता. जिथे कोणताही धोका नाही आणि उत्पन्न देखील चांगले आहे? पोस्ट ऑफिस स्मॉल सेव्हिंग्ज स्कीम हा जोखीम न घेता हमी परताव्यासाठी सर्वोत्तम पर्याय आहे. पोस्ट ऑफिसची सुपरहिट टाइम डिपॉझिट (टीडी) योजना यापैकी एक आहे. या योजनेत 1, 2, 3 आणि 5 वर्षांच्या मॅच्युरिटीसाठी एकरकमी डिपॉझिट करता येते. यामध्ये पैसे जमा केल्यावर व्याजदर वार्षिक आधारावर दिला जातो.
पोस्ट ऑफिसच्या 1 वर्षाच्या टाइम डिपॉझिटवर 6.90 टक्के आणि 2 वर्षांसाठी 7 टक्के व्याजदर आहे. याशिवाय ३ वर्षांच्या ठेवींवर ७ टक्के तर ५ वर्षांच्या ठेवींवर ७.५ टक्के वार्षिक व्याज दिले जात आहे. हे व्याजदर 1 जुलै-30 सप्टेंबर 2023 पासून लागू आहेत.
पोस्ट ऑफिस टीडी कॅल्क्युलेटरनुसार, तुम्ही 5 वर्षांसाठी 5 लाख रुपये जमा केल्यास, मॅच्युरिटी रक्कम 7,24,974 रुपये होईल. म्हणजेच व्याजातून 2,24,974 रुपये मिळतील. पोस्ट ऑफिस स्मॉल सेव्हिंग स्कीम्सच्या ठेव दरांचा सरकारकडून दर तिमाहीत आढावा घेतला जातो. याचा अर्थ व्याज दर प्रत्येक तिमाहीत बदलू शकतात. परंतु, मुदत ठेवींमध्ये, ठेवीच्या वेळी निश्चित केलेले व्याजदर संपूर्ण मुदतीच्या कालावधीसाठी राहतात.
5 वर्षांच्या TD वर किती कर वजा होईल?
टपाल कार्यालयात 5 वर्षांच्या टीडीवर कर सवलतीचा लाभ उपलब्ध आहे. आयकराच्या कलम 80C अंतर्गत, 1.5 लाख रुपयांपर्यंतच्या गुंतवणुकीवर कर कपातीचा दावा केला जाऊ शकतो. येथे लक्षात ठेवा की TD मध्ये मॅच्युरिटीवर मिळालेली रक्कम करपात्र आहे.
पोस्ट ऑफिस टीडी अंतर्गत एकल खाते आणि संयुक्त खाते देखील उघडले जाऊ शकते. संयुक्त खात्यात जास्तीत जास्त 3 प्रौढांचा समावेश केला जाऊ शकतो. हे खाते किमान 1000 रुपयांमध्ये उघडता येते. यानंतर तुम्ही यामध्ये 100 रुपयांच्या पटीत गुंतवणूक करू शकता. पोस्ट ऑफिस टाइम डिपॉझिटमध्ये गुंतवणुकीवर मर्यादा नाही.
