गुरुवार उपाय : भगवान विष्णुला प्रसन्न करण्यासाठी गुरुवारी करा ‘हे’ विशेष उपाय, पैशांची चणचण होईल दूर!

गुरुवारचा दिवस हा हिंदू परंपरेनुसार अत्यंत पवित्र मानला जातो. या दिवशी विशेषत: भगवान विष्णू आणि बृहस्पती देवाची पूजा केली जाते. बृहस्पती ग्रह हा ज्ञान, संपत्ती आणि प्रतिष्ठेचा कारक मानला जातो आणि त्यामुळेच या दिवशी केलेल्या उपायांना विशेष महत्त्व असते. अनेकांच्या अनुभवातून हे लक्षात आले आहे की, गुरुवारी केळीच्या झाडाशी केलेले काही पारंपरिक उपाय आर्थिक अडचणी दूर करण्यात प्रभावी ठरतात. केवळ श्रद्धा असून चालत नाही, तर योग्य पद्धतीने आणि शुद्ध मनाने हे उपाय केल्यास त्याचे सकारात्मक परिणाम दिसून येतात.

केळीच्या झाडाची पूजा

गुरुवारी सकाळी स्नान करून तुम्ही केळीच्या झाडाजवळ गेलात की, सर्वप्रथम त्या झाडाच्या मुळाला गंगाजलाने शुद्ध करा. त्यानंतर त्याला पिवळ्या रंगाच्या कपड्यात गुंडाळा आणि त्यासमोर तांदूळ, फुले आणि फळे अर्पण करा. “ॐ बृं बृहस्पते नमः” हा मंत्र जपत ही पूजा केली की गुरू ग्रहाचे प्रभाव बळकट होतात. या विधीनंतर व्यक्तीच्या मनात शांतता आणि आत्मविश्वास वाढतो आणि अडलेल्या पैशांच्या गोष्टी हळूहळू सुटू लागतात.

या झाडाच्या मुळाचा उपयोग घरात आर्थिक स्थैर्य राखण्यासाठी देखील केला जातो. शुद्ध केल्यावर तो मुळ पिवळ्या धाग्यात बांधून तिजोरीत किंवा पैसे ठेवायच्या जागी ठेवायचा असतो. अशा प्रकारे मुळ ठेवल्यावर घरातील आर्थिक प्रवाह हळूहळू सुसाट होतो, असं मानलं जातं. मात्र, या उपायांसोबत श्रद्धा आणि सातत्यही तितकंच गरजेचं असतं.

पूजा करताना म्हणा ‘हा’ मंत्र

गुरुवारी केळीच्या झाडाला तांब्याच्या भांड्यातून पाणी अर्पण करणं देखील एक शुभ उपाय मानला जातो. हे करताना “ॐ नमो भगवते वासुदेवाय” हा मंत्र उच्चारावा. हे केल्याने फक्त आर्थिक स्थिती सुधारत नाही, तर मनही शांत राहतं आणि नकारात्मक विचार दूर होतात. त्या झाडापाशी प्रार्थना करताना, आपल्या मनातील इच्छा आणि अडचणी सांगाव्यात, कारण निसर्गाशी एकरूप होणं ही देखील आध्यात्मिक उन्नतीची पायरी असते.

पिवळा रंग आणि त्याचे महत्व

पिवळ्या रंगाचे वस्त्र हा गुरूचा प्रतीक आहे. म्हणूनच गुरुवारी पिवळ्या कपड्यांत पूजा करणं, आणि पूजेनंतर 11 केळी गरिबांना वाटणं हा एक सुंदर आणि दयाळू उपाय आहे. हा उपक्रम केवळ तुमचं कर्म सुधारत नाही, तर तुमच्या आयुष्यात चांगल्या संधी आणि आशीर्वाद घेऊन येतो.

मोहरीच्या तेलाचा दिवा

शेवटी, गुरुवारी केळीच्या झाडाखाली मोहरीच्या तेलाचा दिवा लावणं हे एक शक्तिशाली कर्म मानलं जातं. या दिव्याच्या प्रकाशात जपलेला “ॐ नमो भगवते वासुदेवाय” मंत्र मनातली अडचण दूर करतो, असं अनेकांनी अनुभवलं आहे. दिवा लावताना श्रद्धेने, संयमाने आणि विश्वासाने प्रार्थना केली की तुमच्या जीवनात सुख आणि समृद्धीचा प्रकाश नक्कीच पसरेल.