Personality List:- समाजामध्ये वावरत असताना आपल्याला अनेक प्रकारचे व्यक्ती दिसतात. प्रत्येक व्यक्तीचा स्वभाव तसेच त्याचे व्यक्तिमत्व इत्यादी अनेक बाबतीत आपल्याला वेगळेपण दिसून येते. तसेच व्यक्तीची शारीरिक रचनेच्या बाबतीत देखील वेगळेपण आपल्याला दिसते. त्यामध्ये काही व्यक्ती उंच असतात तर काही कमी उंचीच्या असतात.
काही वागायला आणि बोलायला खूप व्यवस्थित आणि चांगले असतात तर काही खूपच तिरसट पद्धतीने वागतात. या अशा अनेक शारीरिक रचना आणि एकंदरीत व्यक्तीची वागणूक इत्यादीवरून आपल्याला वेगळेपण स्पष्टपणे जाणवतं. परंतु समाजामध्ये असे काही व्यक्ती असतात की त्यांचे व्यक्तिमत्त्व दिसायला वेगळे व त्यांचा स्वभाव त्या व्यक्तिमत्त्वाच्या अगदी विरुद्ध असतो.
त्यामुळे समोरची व्यक्ती स्वभावाने कशी आहे हे ओळखणे खूप कठीण जाते. परंतु आपण शरीराच्या रचनेवरून देखील किंवा त्यांच्या काही सवयी वरून देखील व्यक्तिमत्व आणि स्वभावाची ओळख करू शकतो.त्यामुळे या लेखात कुठल्याही व्यक्तीची उभे राहण्याची सवय कशी आहे? संबंधित व्यक्तीचा स्वभाव किंवा त्याचे व्यक्तिमत्व आपण ओळखू शकतो.
उभे राहण्याच्या पद्धतीवरून ओळखा व्यक्तीचा स्वभाव आणि त्याचे व्यक्तिमत्व
1- पाय थोडे वेगळे करून उभे राहण्याची सवय- काही लोक हे अलगद पाय ठेऊन उभे राहतात. उभे राहण्याची सवय किंवा पद्धत असलेल्या व्यक्तींमध्ये आत्मविश्वास असल्याचे चिन्ह समजले जाते. या पद्धतीने उभे राहणारे लोक त्यांची मते सर्वांसमोर अगदी ठामपणे मांडण्यास सक्षम असतात.
जेव्हा ते कुणाशीही बोलतात तेव्हा त्यांच्या आवाजामध्ये एक ठासून आत्मविश्वास भरलेला जाणवतो. जीवनात येणाऱ्या कुठल्याही आव्हान व समस्यांना ते धैर्याने सामोरे जातात व कुठली परिस्थिती आली तरी घाबरत नाहीत. एकंदरीत त्यांचे व्यक्तिमत्व अतिशय शांत असते.
2- एक पाऊल पुढे ठेवून उभे राहण्याची सवय- बऱ्याच व्यक्तींना एक पाय पुढे करून उभे राहण्याची सवय असते. अशी सवय असलेले लोक साहसी असतात व धाडसाच्या कामांमध्ये भाग घ्यायला त्यांना आवडते. तसेच त्यांच्यामध्ये कुठलीही गोष्ट जाणून घेण्याची इच्छा असते व नवनवीन गोष्टी शिकायला त्यांना आवडते.
हे व्यक्ती कुठलाही निर्णय घेण्यापूर्वी चर्चा करण्यावर अगोदर भर देतात व त्यानंतरच निर्णय घेतात. या लोकांमध्ये कुठल्याही गोष्टींविषयी खूप सहानुभूती असते त्यामुळेच ते इतर लोकांच्या भावना समजून घेतात. ते कायम आशावादी दृष्टिकोन ठेवून जगतात व जगातील प्रत्येक समस्येला तोंड देण्यासाठी सक्षम असतात.
3- क्रॉस पाय ठेवून उभे राहण्याची सवय- बऱ्याच लोकांना आपण बघितले असेल की काही लोकांना पाय ओलांडून म्हणजेच क्रॉस पाय ठेवून उभे राहण्याचे सवय असते. असे लोक अंतर्मुखी व्यक्तिमत्त्वाचे असतात आणि स्वतः मध्येच राहायला त्यांना आवडते. समाजामध्ये किंवा गर्दीत जायला त्यांना आवडत नाही व एकांतामध्ये वेळ घालवायला ते प्रामुख्याने प्राधान्य देतात.
कोणाशीही बोलण्यापूर्वी ते परिस्थिती समजून घेण्याचा प्रयत्न करतात. प्रत्येक गोष्ट खोलवर समजून घेण्याची बुद्धी त्यांच्याकडे असते व त्यांना स्वावलंबी रहायला आवडते. दुसऱ्या लोकांना काही मान्य असो वा नसो याचा त्यांना काहीही फरक पडत नाही.
