Career Tips:- दहावी आणि बारावी हे शैक्षणिक वर्ष विद्यार्थ्यांसाठी हा एक टर्निंग पॉईंटचा कालावधी म्हटला जातो.कारण भविष्यातील अनेक करियर निवडण्यामध्ये बारावी नंतरच अनेक पर्याय उपलब्ध होतात व करिअरच्या दृष्टिकोनातून आणि शैक्षणिक दृष्टिकोनातून बारावी हे वर्ष खूप महत्त्वाचे असते.
विद्यार्थी बारावीनंतर आपले करिअरचे पर्याय ठरवतात व करिअरच्या दृष्टिकोनातून वाटचाल करतात. आजकालच्या तरुणांमध्ये अनेक प्रकारच्या ग्लॅमर असलेल्या नोकऱ्यांची आवड असून या पद्धतीने करिअरच्या दृष्टिकोनातून बारावी नंतर शिक्षणाचे पर्याय निवडले जातात.
त्यामध्ये जर आपण पायलट म्हणजेच वैमानिक या क्षेत्राच्या दृष्टिकोनातून विचार केला तर यामध्ये करिअर करण्यासाठी विद्यार्थ्यांना बारावीनंतर देखील तयारी करता येते. विज्ञान शाखेत बारावी उत्तीर्ण होणे याकरिता बंधनकारक असते.
त्यानंतर तुम्हाला आवश्यक असे प्रशिक्षण पूर्ण करून शारीरिक पात्रता परीक्षा उत्तीर्ण झाल्यानंतर तुम्हाला या क्षेत्रात नोकरी मिळते. आपल्याला माहित असेलच की पायलट मध्ये अनेक प्रकार आहेत व त्यांचे प्रशिक्षण देखील वेगवेगळ्या प्रकारचे असते व त्यानुसार त्यांचे वेतन ठरवले जाते.
बारावीनंतर कसे व्हावे पायलट?
बारावीनंतर पायलट होण्याकरिता तुम्हाला काही स्टेप्स फॉलो करावे लागतात. त्यामध्ये प्रामुख्याने…
1- पायलट पात्रता स्टेप 1- पायलटचा अभ्यासक्रम किंवा कोर्स करण्याकरिता तुम्हाला बारावी मध्ये भौतिकशास्त्र, रसायनशास्त्र आणि गणित विषयांमध्ये चांगले मार्क्स मिळवणे आवश्यक आहे. तसेच वय हे 17 ते 24 वर्षाच्या दरम्यान असणे गरजेचे असून 157 cm उंची असणे गरजेचे आहे व वजन उंचीच्या प्रमाणामध्ये असावे. चांगली दृष्टी आणि ऐकण्याची क्षमता देखील उत्तम असावी.
2- स्टेप 2( प्रवेश परीक्षा आणि प्रशिक्षण)- स्कूल ऑफ ग्लोबल पायलट करिअर अकॅडमी, इंदिरा गांधी नॅशनल फ्लाईंग अकॅडमी किंवा इतर मान्यता प्राप्त इन्स्टिट्यूट मध्ये प्रवेश घ्यावा. तसेच कमर्शियल पायलट लायसन्स कोर्समध्ये प्रवेश घेण्यासाठी प्रवेश परीक्षा उत्तीर्ण करावी लागते. कमर्शियल पायलट लायसन्सचा कोर्स कालावधी हा 18 ते 24 महिन्याचा असतो.
3- स्टेप 3( परवाना आणि प्रमाणन)- कमर्शियल पायलट लायसन्स अभ्यासक्रम पूर्ण केल्यानंतर तुम्हाला नागरिक विमान वाहतूक महासंचालक कडून कमर्शियल पायलट लायसन्स म्हणजेच परवाना घ्यावा लागतो. तसेच विमान उड्डाण करण्यासाठी आवश्यक वैद्यकीय प्रमाणपत्र देखील घ्यावे लागतात.
4- स्टेप 4( अनुभव आणि नोकरी)- तुम्हाला पायलट म्हणून अनुभव हवा असेल तर फ्लाईट इन्स्टिट्यूट किंवा एखाद्या एअरलाइन्समध्ये इंटर्नशिप करणे गरजेचे आहे. वेगवेगळ्या एअरलाइन्समध्ये पायलट म्हणून नोकरीसाठी त्यानंतर अर्ज करता येतो.
पायलट प्रशिक्षण शुल्क
त्यामध्ये प्रवेश परीक्षा शुल्क पाच हजार ते 50 हजार रुपये पर्यंत असते. तसेच कमर्शियल पायलट लायसन्स कोर्स फी पाच लाख ते वीस लाख आणि फ्लाईट प्रशिक्षण शुल्क दोन लाख ते दहा लाख रुपयापर्यंत असते.
पायलटला किती मिळतो पगार?
फ्रेशर पायलटला दहा लाख ते पंधरा लाख रुपये प्रति वर्षी वेतन दिले जाते तर एक्सपिरीयन्स असलेल्या पायलटला 65 लाख ते एक कोटी रुपये वार्षिक पॅकेज मिळते.
कोर्स केल्यानंतर पायलट होण्याकरिता किती कालावधी लागतो?
पायलट होण्यासाठी एखाद्या फ्लाइंग क्लब मध्ये प्रवेश घ्यावा लागतो व ज्याला डायरेक्टरेट जनरल ऑफ सिविल म्हणजेच डीजीसीए भारत सरकारची मान्यता आहे. तसेच पायलट लायसन्स साठी विद्यार्थ्याला अर्ज करावा लागतो आणि प्रवेश परीक्षा उत्तीर्ण करावी लागेल व त्यानंतर आवश्यक प्रशिक्षण पूर्ण करावे लागते. भारतामध्ये साधारणपणे पायलट होण्याकरिता दोन ते तीन वर्षाचा कालावधी लागतो. परंतु विदेशात मात्र यासाठी एक वर्ष पुरेसे ठरते.
