Indian Bank FD : अलीकडील काही महिन्यांमध्ये देशभरातील विविध बँकांकडून एफडीच्या व्याजदरात कपात करण्यात आली आहे. एसबीआय, बँक ऑफ बडोदा, युनियन बँक ऑफ इंडिया, एचडीएफसी, आयसीआयसीआय यांसारख्या अनेक दिग्गज बँकांकडून एफडीचे व्याजदर मोठ्या प्रमाणात कमी करण्यात आले आहेत आणि यामुळे सुरक्षित गुंतवणुकीसाठी एफडी करू इच्छिणाऱ्या ग्राहकांना मोठा धक्का बसला आहे.
आरबीआयने रेपो रेट मध्ये कपात करण्याचा निर्णय घेतल्यानंतर देशभरातील बँकांकडून फिक्स डिपॉजिटचे व्याजदर कमी करण्यात आले आहेत मात्र आजही सार्वजनिक क्षेत्रातील इंडियन बँक आपल्या ग्राहकांना फिक्स डिपॉझिट वर चांगले व्याज देत आहे. म्हणूनच आज आपण इंडियन बँकेच्या दोन वर्षांच्या एफडी योजनेची माहिती पाहणार आहोत.
इंडियन बँक एफडीवर किती व्याज देते ?
मिळालेल्या माहितीनुसार, इंडियन बँक सात दिवसांपासून ते दहा वर्ष कालावधीची एफडी ऑफर करत आहे आणि या एफ डी वर 2.80 टक्क्यांपासून ते 7.65 टक्क्यांपर्यंतचे व्याज दिले जात आहे.
बँकेकडून सात दिवसांच्या एफडीवर सर्वात कमी म्हणजेच 2.80% दराने व्याज दिले जात आहे. तसेच बँकेकडून 444 दिवसांच्या विशेष एफ डी योजनेत गुंतवणूक करणाऱ्या गुंतवणूकदारांना सर्वाधिक व्याज दिले जात आहे.
बँकेकडून या विशेष FD योजनेत गुंतवणूक करणाऱ्या सामान्य ग्राहकांना 6.90%, सिनिअर सिटीजन ग्राहकांना 7.40% आणि सुपर सीनियर सिटीजन ग्राहकांना 7.65 टक्के दराने व्याज दिले जात आहे.
बँकेच्या दोन वर्षांच्या एफडी योजनेबाबत बोलायचं झालं तर या कालावधीच्या एफडी योजनेत गुंतवणूक करणाऱ्या गुंतवणूकदारांना इंडियन बँकेकडून 6.40% ते 6.90% दराने व्याज दिले जात आहे.
दोन वर्षांच्या FD योजनेत गुंतवणूक करणाऱ्या सामान्य ग्राहकांना बँकेकडून 6.40% दराने आणि सीनियर सिटीजन ग्राहकांना 6.90% दराने व्याज दिले जात आहे.
दोन वर्षांसाठी दोन लाखांची गुंतवणूक केल्यास किती रिटर्न मिळणार?
Indian बँकेच्या दोन वर्षांच्या एफडी योजनेचा एखाद्या सामान्य ग्राहकाने दोन लाखाची गुंतवणूक केली तर त्याला 6.40% दराने मॅच्युरिटी वर म्हणजेच दोन वर्षांचा काळ पूर्ण झाल्यानंतर दोन लाख 27 हजार 80 रुपये मिळणार आहेत. म्हणजेच 27 हजार 80 रुपये सदर ग्राहकाला व्याज म्हणून रिटर्न मिळतील.
जर समजा या कालावधीच्या एफडी योजनेत सीनियर सिटीजन ग्राहकांनी दोन लाखाची गुंतवणूक केली तर त्यांना मॅच्युरिटीवर दोन लाख 29 हजार 325 रुपये मिळणार आहेत, म्हणजेच 29 हजार 325 रुपये सिनिअर सिटीजन ग्राहकांना व्याज म्हणून मिळतील.
