Personality Test:- दररोज आपण अनेक प्रकारच्या लोकांना भेटत असतो व त्यामध्ये व्यक्तीपरत्वे आपल्याला प्रत्येक बाबतीत भिन्नता दिसून येते. जसे की काही लोकांचा स्वभाव तसेच त्याचे वैशिष्ट्ये, आवडीनिवडी आणि कोणतेही काम करण्याची पद्धत ही वेगवेगळी असते.
साधारणपणे आपण एखाद्या व्यक्तीची बोलण्याची पद्धत किंवा तो आपल्याशी पहिल्या भेटीत कसा वागला किंवा कसा बोलला? यावरून एखाद्या व्यक्तीच्या व्यक्तिमत्त्वाबद्दल किंवा स्वभावाबद्दल अंदाज लावत असतो.
परंतु शरीराच्या अवयवांचा आकार देखील प्रत्येकाचा वेगवेगळा असते व या अवयवांच्या आकारावरून देखील आपल्याला एखाद्या व्यक्तीचा स्वभाव आणि व्यक्तिमत्त्वाबद्दल अंदाज लावता येतो. प्रत्येकाच्या केसांचा रंग देखील वेगळा असतो व या केसांच्या रंगावर देखील आपल्याला समोरच्याचे व्यक्तिमत्त्व जाणून घेता येते.
केसांच्या रंगावरून ओळखा एखाद्या व्यक्तीचे व्यक्तिमत्व
1- काळ्या रंगाचे केस- बऱ्याच लोकांच्या केसांचा रंग हा काळा असतो. असे लोक हे आत्मविश्वासाने भरलेले असतात. म्हणजेच कुठल्याही गोष्टीबाबत त्यांच्यामध्ये प्रचंड प्रमाणात आत्मविश्वास असतो व ते एक पावरफुल व्यक्तिमत्व असतात.
जीवनामध्ये जगत असताना कुठल्याही प्रकारची जोखीम घ्यायला ते कधीही तयार असतात व जोखीम घ्यायला घाबरत नाहीत. ते स्वतंत्र आणि निश्चिंतपणे आयुष्य जगतात व नाते समजून घेऊन पुढे जातात. परंतु या लोकांना नात्यांमध्ये कोणत्याही प्रकारची तडजोड करणे आवडत नाही.
2- सोनेरी रंगाचे केस- आपण बरेच लोक बघतो की त्यांच्या केसांचा रंग हा सोनेरी असतो. व्यक्तिमत्त्व चाचणीमध्ये जर बघितले तर सोनेरी केस असलेले लोक हे खूप मनमिळाऊ स्वभावाचे असतात व त्यांच्या जीवनामध्ये ते कायम सकारात्मक दृष्टिकोन ठेवतात व त्यानुसारच जीवनाची वाटचाल करतात.
जीवन जगत असताना असे व्यक्ती भविष्यकाळ आणि भूतकाळाचा कधीच विचार न करता फक्त वर्तमान काळावर लक्ष केंद्रित करून वर्तमानात जगतात व त्यांना ते आवडते.
तसेच नवनवीन लोकांना भेटायला व त्यांच्याशी मैत्री करायला देखील या लोकांना खूप आवडते. सोनेरी रंगाचे केस असलेल्या लोकांचे एक वैशिष्ट्य म्हणजे ते त्यांच्या जोडीदारा प्रति खूप भावनिक असतात.
3- तपकिरी रंगाचे केस- काही लोकांच्या केसांचा रंग हा तपकिरी असतो व असे लोक खूपच डाऊन टू अर्थ असतात. सर्व लोकांना समान पद्धतीने ते वागणूक देतात व कधीही लोकांमध्ये लहान मोठा असा भेदभाव करत नाही
व मनात देखील अशा प्रकारचा भेदभाव ठेवत नाही. तसेच हे लोक खूप शांत आणि विश्वासार्ह असतात. कुठल्याही नात्यांमध्ये त्यांना स्थिरता खूप आवडते. नाते खूप उत्तम पद्धतीने टीकवतात.
4- लाल रंगाचे केस- काही लोकांच्या केसांचा रंग हा लालसर असतो व हा रंग अद्वितीय असतो. असे लोक जीवनामध्ये अतिशय सर्जनशील आणि व्यक्तिमत्व देखील त्यांचे धाडसी असते.
परंतु जरी त्यांच्या व्यक्तिमत्व धाडसी असले तरी मनातील कुठलीही भावना दुसऱ्या एखाद्या व्यक्तीकडे व्यक्त करणे त्यांना सहजपणे जमत नाही व ते त्यांना अवघड जाते. कुठेही बोलताना जेव्हा त्यांना सर्व काही ठीक आहे असे वाटते तेव्हाच ते बोलतात आणि आरामदायक होण्यासाठी बराच वेळ घेतात.
