Chanakya Niti:- आयुष्य जगत असताना आपल्याला अनेक प्रकारच्या समस्या येत असतात. कधी कधी कर्जाचा बोजा वाढतो व प्रचंड प्रमाणात पैशांची अडचण येऊन ठेपते. त्यासोबतच तुम्ही नोकरी करत असाल तर त्या ठिकाणी पगारवाढीची किंवा बढती होण्यामध्ये काहीतरी समस्या निर्माण होतात व आपण चहूबाजूंनी समस्यांनी घेरले जातो. या सगळ्या वाईट कालावधीमध्ये बरेच व्यक्ती हे आपले मानसिक धैर्य हरवून बसतात.
परंतु यामध्ये आपले सुखी जीवन निरंतर चालत राहावे याकरिता अनेक प्रकारच्या उपाययोजना करतात व अशाच प्रकारे अनेक जण आचार्य चाणक्य यांनी सांगितलेल्या चाणक्य नीति मधील महत्त्वाच्या तत्त्वांचा वापर आपल्या आयुष्यात करतात. आपल्याला माहित आहे की आचार्य चाणक्य यांनी त्यांच्या चाणक्य नीति मध्ये जीवनाच्या प्रत्येक वेळेला कशा पद्धतीचे आपण जीवन जगले पाहिजे किंवा कशा पद्धतीने आपण वागले पाहिजे
याबद्दल सविस्तर असे वर्णन केलेले आहे. या प्रकारे जर तुमच्या आयुष्यात देखील जर अशाच प्रकारच्या काही समस्या सुरू असतील व वाईट परिस्थितीशी तुम्ही दोन हात करत असाल तर तुम्ही या कालावधीत चाणक्यांनी सांगितलेल्या काही गोष्टी लक्षात ठेवणे गरजेचे आहे.
वाईट काळाचा सामना करण्यासाठी आचार्य चाणक्यानी सांगितले आहेत या ट्रिक्स
1- आत्मविश्वास अबाधित ठेवा– तुमच्यावर कितीही प्रकारची संकटे आली व तुमचा आत्मविश्वास डळमळला नाही तर तुम्ही कुठल्याही संकटाला अगदी मुठीत घेऊ शकतात. कठीण कालावधीमध्ये तुम्ही मनाने खचता कामा नये असे आचार्य चाणक्य म्हणतात. जर तुम्ही काहीही करून जिंकायचेच या प्रकारचा निश्चय केला तर तुम्हाला या जगात कोणीही हरवू शकत नाही.
तुमच्या मनामध्ये जर जिंकायचे आहेस ही जिद्द असेल तर तुम्हाला एखाद्या अंधाऱ्या खोलीमध्ये खिडकीच्या कपारीतून येणारा प्रकाशाचा कवडसा देखील यशाचा मार्ग दाखवू शकतो.
परंतु जर तुम्ही मनानेच हरलात तर तुम्ही अशा कालावधीमध्ये खूप मोठ्या प्रमाणावर समस्यांना तोंड देतात व चांगल्या कालावधी करिता तुम्हाला खूपच झगडावे लागते. त्यामुळे जर तुमच्यावर वाईट वेळ आली असेल तर आत्मविश्वास हे तुमच्याकडील एक सर्वात मोठे हत्यार आहे. त्यामुळे संकट काळात आत्मविश्वास हरु देऊ नये.
2- आपत्कालीन स्थितीकरिता आजपासून पैशांची बचत सुरू करणे– जीवन जगत असताना भविष्यामध्ये अनेक प्रकारच्या अडचणींचा सामना करावा लागतो व अशा कालावधीमध्ये पैसा हा आपल्याला खूप मोठ्या प्रमाणावर कामाला येतो. त्यामुळे चाणक्य म्हणतात की कठीणातल्या कठीण समस्या देखील पैशामुळे दूर लोटता येतात.
आपत्कालीन परिस्थितीचा सामना करण्यासाठी तुम्ही नेहमी पैशांची बचत करणे खूप गरजेचे आहे. आज जर तुमच्यावर कर्ज झाले आहे व तुम्ही कठीण परिस्थितीचा सामना करत आहात तर तुम्ही अशा मध्ये अनावश्यक खर्च थांबवणे खूप गरजेचे आहे व पैशांची बचत करणे महत्त्वाचे आहे.
3- संयम आणि धैर्य ठेवणे– आचार्य चाणक्य म्हणतात की, जो माणूस घाबरतो तो जीवनात कधीही यशस्वी होत नाही. जीवनामध्ये जर वाईट वेळ आली तर अशा परिस्थितीमध्ये घाबरून न जाता त्याच्याशी धैर्याने सामना करावा. कारण भीती माणसाला कमजोर बनवते आणि ती व्यक्तीवर हळूहळू वर्चस्व गाजवायला सुरुवात करते.
ज्याप्रकारे दिवसा मागून रात्र येते अगदी त्याचप्रमाणे आयुष्यात देखील वाईट काळ येतो व ठराविक कालावधीनंतर सुखाचे दिवस येतात. परंतु या दोन्ही कालावधीमध्ये व्यक्तीने संयम आणि धीर ठेवणे खूप गरजेचे असते. वाईट कालावधीत जे व्यक्ती संयम व धीर ठेवते असे व्यक्ती आयुष्यामध्ये कधीच पराभूत होत नाही.
