Personality Test:- एखाद्या व्यक्तीचा स्वभाव किंवा तो व्यक्ती वागणुकीत कसा आहे हे प्रामुख्याने आपल्याला त्याला भेटल्यानंतर ओळखता येत नाही. परंतु बरेच व्यक्ती अशी असतात की एखाद्या व्यक्तीला जर ते पहिल्यांदा किंवा प्रथम दर्शनी जरी भेटले तरी ते त्याचा स्वभाव ओळखू शकतात.साधारणपणे ही एक कला असते असे म्हटले तरी वावगे ठरणार नाही.
साधारणपणे व्यक्तीची जीवनशैली तसेच व्यक्तीची बोलण्याची पद्धत, समाजात वावरण्याची आणि संवादाची शैली इत्यादि गोष्टींवरून साधारणपणे एक अंदाज आपल्याला एखाद्या व्यक्तीच्या स्वभावाबद्दल येतो. परंतु यामध्ये अचूकपणा राहत नाही. परंतु या व्यतिरिक्त अशा अनेक गोष्टी आहेत की त्या गोष्टींचे निरीक्षण केल्यावर आपल्याला समोरच्या व्यक्तीचा स्वभाव किंवा त्याचे वागणे इत्यादीबद्दल एक अंदाज बांधता येतो.
यामध्ये आपण प्रामुख्याने हात पायाची बोटे किंवा अंगावर असणारे तीळ आणि कपाळ यावरून आपण समोरच्या व्यक्तीचा स्वभावाबद्दल अंदाज बांधू शकतो.त्यामुळे या लेखात आपण व्यक्तीच्या कपाळावरून समोरच्या व्यक्तीचा स्वभाव कसा असू शकतो याबद्दलची माहिती घेणार आहोत.
कपाळावरून ओळखा व्यक्तिमत्व
1- मोठे कपाळ असल्यास– ज्या व्यक्तीचे कपाळ मोठे असते त्यांच्यामध्ये अनेक प्रकारचे गुण असतात व हे व्यक्ती बुद्धीमान तर असतात व त्यासोबतच अनेक कामे यशस्वीपणे पूर्ण करणारी देखील असतात. परंतु या लोकांमध्ये एक अवगुण असतो व तो म्हणजे अशा लोकांना खूप ताबडतोब राग येतो आणि ते पटकन व्यक्त होतात. आपल्या बोलण्याने समोरच्या व्यक्तीला काय वाटेल याचा कुठल्याही प्रकारचा विचार न करता ते बोलून मोकळे होतात.
2- अरुंद कपाळ– अरुंद कपाळ असलेली व्यक्ती हे कायम सकारात्मक विचारांनी भरलेले असतात व स्वतःच्या मनाचे ते ऐकत असतात. इतर व्यक्तींपासून स्वतःचे मन दुखावले जाऊ नये याकरिता ते इतर लोकांपासून थोडे लांब राहणे पसंत करतात. तसेच अरुंद कपाळ असलेली व्यक्ती हे दयाळू तसेच मदत करणारी असतात व त्यासोबत मात्र स्वतःचा अभिमान जपणारी देखील असतात. हे लोक कधीही समाजासाठी स्वतःमध्ये बदल करत नाहीत.
3- वक्र कपाळ– वक्र कपाळ असलेल्या व्यक्तींना नेमके कोणत्या ठिकाणी काय बोलावे आणि कुठे काय बोलू नये याची पूर्णपणे जाणीव असते व हे स्वतः खूप सकारात्मक असतात व आजूबाजूच्या लोकांना देखील सकारात्मक ठेवतात. वक्र कपाळ असलेले व्यक्ती हे इतर व्यक्तींना त्यांचे स्वप्न आणि ध्येय पूर्ण करण्यासाठी कायम प्रोत्साहित करत असतात. तसेच या लोकांचे मित्र भरपूर असतात कारण त्यांना मैत्री करण्यामध्ये खूप जास्त प्रयत्न करावे लागत नाही.
4- एम आकाराचे कपाळ– साधारणपणे अशा प्रकारचे कपाळ असलेले व्यक्ती हे कलाक्षेत्रात प्रगत असतात व कलाकार असतात. त्यांना स्वतःच्या मनाला पटेल तेच करायला आवडते.त्यांच्या प्रत्येक गोष्टींमध्ये काहीतरी वेगळेपण आपल्याला दिसून येतो व ते व्यक्ती दिसायला देखील आकर्षक असतात. तसेच रागाच्या बाबतीत पाहिले तर या व्यक्तींना राग येत नाही व ते कुठलेही गोष्ट सहजपणे माफ करतात. महत्वाचे म्हणजे हे व्यक्ती त्यांचे कुटुंब तसेच प्रियजन व मित्रांच्या बाबतीत खूप संवेदनशील असतात.
