भारत आणि ऑस्ट्रेलिया यांच्यातील उपांत्य सामना हा संपूर्ण क्रिकेटप्रेमींसाठी अत्यंत महत्त्वाचा ठरणार आहे. भारताने या स्पर्धेत जबरदस्त खेळ करत उपांत्य फेरीत प्रवेश मिळवला आहे. मात्र, आता मोठा प्रश्न असा आहे की भारत ऑस्ट्रेलियाविरुद्ध कोणत्या प्लेइंग ११ सह मैदानात उतरणार?
गेल्या सामन्यात भारतीय संघाने चार फिरकीपटूंना संधी दिली होती आणि केवळ एक प्रमुख वेगवान गोलंदाजासह खेळले होते. परंतु, ऑस्ट्रेलियाचा फलंदाजी फॉर्म पाहता, भारत आपल्या गोलंदाजीच्या संयोजनात मोठा बदल करू शकतो.
दुबईच्या खेळपट्टीवर कोणता रणनीतीचा विचार केला जाईल ?
दुबईच्या खेळपट्टीवर फिरकीपटूंना चांगली मदत मिळते. मागील काही सामन्यांमध्ये हे स्पष्ट झाले आहे की फिरकी गोलंदाजांनीच विकेट्स काढल्या आणि संघाला विजय मिळवून दिला. न्यूझीलंडविरुद्धच्या सामन्यात वरुण चक्रवर्तीने पाच विकेट्स घेतल्या होत्या, मात्र त्याला पाकिस्तान आणि बांगलादेशविरुद्ध संधी मिळाली नाही.
भारताचा गोलंदाजीत मोठा बदल
ऑस्ट्रेलियाचा फलंदाजीतला फॉर्म पाहता भारतीय संघ चार फिरकीपटूंच्या रणनीतीत बदल करू शकतो. ऑस्ट्रेलियाच्या संघात स्टीव्ह स्मिथ, मार्नस लाबुशेन, जोश इंग्लिश यांसारखे फलंदाज आहेत, जे फिरकीपटूंना सहज खेळू शकतात. त्यामुळे, भारत चारऐवजी तीन फिरकीपटू आणि दोन प्रमुख वेगवान गोलंदाज घेऊन मैदानात उतरू शकतो.
वरुण चक्रवर्तीला संघाबाहेर जावे लागणार?
जर भारत दोन वेगवान गोलंदाज घेण्याचा निर्णय घेत असेल, तर वरुण चक्रवर्तीला बाहेर बसावे लागू शकते. त्याच्या जागी हर्षित राणा किंवा अर्शदीप सिंग यांना संधी दिली जाऊ शकते. यामुळे मोहम्मद शमीला एक वेगवान गोलंदाजाची साथ मिळेल आणि भारताचा गोलंदाजी आक्रमण अधिक संतुलित दिसेल.
भारतीय फलंदाजी तशीच कायम राहणार?
फलंदाजीच्या क्रमात कोणताही मोठा बदल होण्याची शक्यता कमी आहे. भारतीय संघातील रोहित शर्मा, शुभमन गिल, विराट कोहली, श्रेयस अय्यर, आणि हार्दिक पंड्या हे फलंदाज उत्कृष्ट फॉर्ममध्ये आहेत. पाठलाग करताना आणि मोठे स्कोअर करताना हे फलंदाज महत्त्वपूर्ण भूमिका बजावत आहेत. त्यामुळे, संघ ऋषभ पंतला संधी देण्याऐवजी केएल राहुलसोबतच खेळू शकतो.
संभाव्य भारतीय प्लेइंग ११:
रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल (यष्टीरक्षक), हार्दिक पंड्या, अक्षर पटेल, रवींद्र जडेजा, कुलदीप यादव, हर्षित राणा/वरुण चक्रवर्ती आणि मोहम्मद शमी.
भारतीय संघ उपांत्य फेरीत ऑस्ट्रेलियाविरुद्ध गोलंदाजी संयोजनात बदल करू शकतो. फिरकीच्या तुलनेत अतिरिक्त वेगवान गोलंदाजाला संधी दिली जाऊ शकते. त्यामुळे वरुण चक्रवर्ती बाहेर जाऊ शकतो आणि त्याच्या जागी हर्षित राणा किंवा अर्शदीप सिंग यांना संधी मिळू शकते
