Amazfit Bip 5 : अलीकडच्या काळात स्मार्टवॉचचा वापर वाढला आहे. त्यामुळे विविध कंपन्या आपले प्रीमियम फीचर्स आणि स्टायलिश लूक असणारे स्मार्टवॉच बाजारात दाखल करू लागल्या आहेत. अशातच आता आणखी एका कंपनीने आपले स्मार्टवॉच दाखल केले आहे.
सर्वात लोकप्रिय कंपनी Amazfit ने आपले Amazfit Bip 5 स्मार्टवॉच बाजारात आणले आहे. जे तुम्हाला मस्त फीचर्स देईल. 10 दिवसांची बॅटरी लाइफ यामध्ये तुम्हाला पाहायला मिळेल. Amazon वरून तुम्ही ते सहज खरेदी करू शकता. जाणून घ्या किंमत.
फीचर्सच्या बाबतीत बोलायचे झाले तर नवीन स्मार्टवॉच कोठूनही प्रीमियम मॉडेलपेक्षा कमी नाही. यामध्ये 1.91 इंच डिस्प्ले देण्यात आला आहे आणि हा TFT डिस्प्ले 320×380 पिक्सेल रिझोल्युशनसह येईल. हा डिस्प्ले 260ppi रिझोल्यूशनसह 2.5D टेम्पर्ड ग्लासद्वारे संरक्षित आहे. सुरक्षेशिवाय फिंगरप्रिंट्स यासह डिस्प्लेवर येणार नाहीत असा कंपनीने दावा केलेला आहे.
ट्रॅकर्स
कंपनीकडून नवीनतम स्मार्टवॉचमध्ये अनेक आरोग्य फीचर्स आणि ट्रॅकर देण्यात आले आहेत. यात एक विशेष सेन्सर उपलब्ध असून ज्याला कंपनीने बायोट्रॅकर असे नाव दिले आहे. स्मार्टवॉच हृदय गती, रक्तातील ऑक्सिजन पातळी आणि तणाव पातळी यांसारख्या गोष्टी करते. त्यासाठी फोटोप्लेथिस्मोग्राफी (PPG) या विशेष पद्धतीची मदत घेतली जाईल. यामुळे प्रकाशाच्या मदतीने मनगटाच्या नसांमध्ये किती रक्त वाहत आहे हे समजते.
वैशिष्ट्ये
हे स्मार्टवॉच ब्लूटूथ 5.2 तंत्रज्ञानाच्या सपोर्टसह लाँच केले आहे. ते Zepp अॅपने फोनशी कनेक्ट केले जाईल. हे स्मार्टवॉच Android 7.0 आणि iOS 14 किंवा त्यानंतरच्या आवृत्तीवर चालणार्‍या डिव्हाइसेसशी कनेक्ट करता येईल. यात 300mAh बॅटरी उपलब्ध आहे.
Amazfit Bip 5 मध्ये 4-सॅटेलाइट पोझिशनिंग सिस्टीम आहे आणि त्याद्वारे स्मार्टवॉचचे स्थान शोधता येते. हे वेगवेगळ्या उपग्रह नक्षत्रांचा वापर करते – GPS, GLONASS, Galileo आणि BeiDou.ज्या ठिकाणी चांगले GPS रिसेप्शन उपलब्ध नाही अशा ठिकाणी वापरकर्त्यांचे स्थान अधिक अचूकतेने ट्रॅक करता येईल.
जाणून घ्या Amazfit Bip 5 ची किंमत
किमतीचा विचार केला तर भारतीय बाजारपेठेत नवीन Amazfit Bip 5 स्मार्टवॉचची किंमत 7,499 रुपये इतकी आहे आणि ते तीन रंगांच्या पर्यायांमध्ये – सॉफ्ट ब्लॅक, क्रीम व्हाइट आणि पेस्टल पिंकमध्ये आहे. 31 ऑगस्ट 2023 पासून तुम्हाला ते Amazon वरून खरेदी करता येईल.
