Tips-Tricks : अलीकडच्या काळात स्मार्टफोनप्रमाणेच कॉम्प्यूटर आणि लॅपटॉप महत्त्वाचे डिव्हाइस झाले आहे. ऑफिसच्या कामापासून ते कॉलेजच्या प्रोजेक्टपर्यंत अनेक कामासाठी या डिव्हाइसचा वापर मोठ्या प्रमाणात केला जातो.
परंतु अनेकवेळा या डिव्हाइसचा जास्त वापर झाल्यामुळे ती हँग होऊ लागतात. अनेकदा महत्त्वाच्या फाइल्स क्रॅश होतात. त्यामुळे खूप मोठा फटका वापरकर्त्यांना होतो. मात्र आता तुम्ही काही गोष्टी लक्षात ठेवल्या तर तुमचा लॅपटॉप किंवा संगणक कसलाच हँग होणार नाही. कसे ते पहा.
या कारणामुळे हँग होतो लॅपटॉप
शक्यतो लॅपटॉप किंवा संगणक वेळेत अपडेट केला नाही तर अशा प्रकारची समस्या निर्माण होते. त्यामुळे आता तुम्ही सतत सर्व सॉफ्टवेअर अपडेट करून तुमच्या लॅपटॉपचा वेग वाढवू शकता.तसेच लोक ज्या पद्धतीने बाईक आणि कारची सर्व्हिसिंग करत असतात त्याच पद्धतीने लॅपटॉपची सर्व्हिसिंग करून घेणे गरजेचे आहे. कारण लॅपटॉपच्या आत धूळ आणि घाण जमा झाल्यामुळे हे इलेक्ट्रॉनिक उपकरण खराब होऊ शकते. इतकेच नाही तर अनेक सॉफ्टवेअर्स एकत्र जोडून, सिस्टीमवर अॅडिशन केल्यामुळे, ते क्रॅश होण्याची शक्यता आहे.
स्टोरेज करा साफ
अशी अनेक सॉफ्टवेअर्स आहेत जसे की फोटो, व्हिडीओ आणि फाइल्स कॉम्प्युटरमध्ये आहेत, ज्यांची आपल्याला एकदाच गरज पडते. त्यामुळे आता तुम्ही या फायली हटवून तुमच्या लॅपटॉपमधील स्टोरेज वाढवू शकता. इतकेच नाही तर रिसायकल बिन साफ करायला विसरू नका आणि यूपीएस खरेदी करतानाही काळजी घ्या. केवळ चांगल्या दर्जाचे आणि ब्रँडेड भाग मिळवा. रॅम आणि स्टोरेज देखील सतत साफ करत राहणे फायद्याचे आहे.
घेऊ नका एकापेक्षा जास्त अँटीव्हायरस
अनेकजण ज्यावेळी त्यांचा लॅपटॉप हँग होतो त्यावेळी अँटीव्हायरस घेत असतात. परंतु एकापेक्षा जास्त अँटीव्हायरस घेऊ नका. मूळ विंडोज विकत घ्या आणि लॅपटॉप सतत वापरणे टाळा. जर तुम्ही या गोष्टी लक्षात ठेवल्या तर तुमचा लॅपटॉप कधीच हँग होणार नाही.
